ವ್ಯಾಟಿಕನ್: ಮದರ್ ತೆರೆಸಾ ಅವರನ್ನು ಸಂತರೆಂದು ಪರಿಗಣಿಸಲಾಗುವುದು ಎಂದು ವ್ಯಾಟಿಕನ್ ನ ಆಯೋಗವೊಂದು ಮಂಗಳವಾರ ತಿಳಿಸಿದೆ. ಅವರು ಭಾರತದ ಕೋಲ್ಕತ್ತಾದಲ್ಲಿ ಬಡವರ ಪರವಾಗಿ ಕೆಲಸ ಮಾಡಿದ್ದಕ್ಕೆ ಈ ಗೌರವ ಸಿಗಲಿದೆ.
ಮದರ್ ತೆರೆಸಾ ಅವರು ನಿಧನಹೊಂದಿ ಸುಮಾರು ಎರಡು ದಶಕಗಳ ನಂತರ ಹಿರಿಯ ಪಾದ್ರಿಗಳ ಸಮಿತಿ ಅವರಿಗೆ ಅತ್ಯುನ್ನತ ಗೌರವ ನೀಡಿದೆ.

ಪೋಪ್ ಫ್ರಾನ್ಸಿಸ್ ಅವರು ತೀರ್ಪಿಗೆ ಅನುಮೋದನೆ ನೀಡಿ ಸಹಿ ಹಾಕಲಿದ್ದು, ಇದರ ಅಧಿಕೃತ ಘೋಷಣೆ ಸದ್ಯದಲ್ಲಿಯೇ ಬೃಹತ್ ಸಮಾರಂಭವೊಂದರಲ್ಲಿ ನಡೆಯಲಿದೆ.
ಸಾಧು ಸಂತರ ಪದವಿಗೆ ಐದು ಮಂದಿಯ ಹೆಸರನ್ನು ಸೂಚಿಸಲಾಗಿತ್ತು. ಅವರಲ್ಲಿ ಅಲ್ಬೇನಿಯನ್ ಸನ್ಯಾಸಿಗಳು ಮತ್ತು ಮಿಷನರಿಯೂ ಒಬ್ಬರಾಗಿದ್ದರು.

ಸಂತ ಪದವಿ ಘೋಷಣೆ ಈ ವರ್ಷ ಸೆಪ್ಟೆಂಬರ್ 4ರಂದು ಮದರ್ ತೆರೆಸಾ ನಿಧನ ಹೊಂದಿದ ವರ್ಷಾವಧಿ ಕಾರ್ಯಕ್ರಮದಲ್ಲಿ ಘೋಷಣೆ ಮಾಡಲಾಗುತ್ತದೆ. ಅವರ ನೆನಪಿನಲ್ಲಿ ಚರ್ಚಿನ ಬೆಳ್ಳಿಹಬ್ಬ ಕಾರ್ಯಕ್ರಮ ನಡೆಯಲಿದೆ. ಕಾರ್ಯಕ್ರಮ ಭಾರತದಲ್ಲಿ ನಡೆಸುವ ಯೋಜನೆ ಇತ್ತಾದರೂ ಕೊನೆ ಕ್ಷಣದ ಬದಲಾವಣೆ ನಂತರ ರೋಮ್ ನಲ್ಲಿ ನಡೆಯುವ ಸಾಧ್ಯತೆಯಿದೆ.
ವಿಶ್ವಾದ್ಯಂತ ತಮ್ಮ ಸಮಾಜ ಸೇವೆಯಿಂದ ಹೆಸರು ಗಳಿಸಿದ್ದ ಮದರ್ ತೆರೆಸಾ ಕೋಲ್ಕತ್ತಾದಲ್ಲಿ ಬಡವರು, ನಿರ್ಗತಿಕರು, ವೃದ್ಧರು, ರೋಗಪೀಡಿತರ ಆರೈಕೆ ಮಾಡಿದ್ದಕ್ಕಾಗಿ ಅವರಿಗೆ ನೊಬೆಲ್ ಪ್ರಶಸ್ತಿ ಲಭಿಸಿತ್ತು.