ಸಿಡ್ನಿ: ಹಿಂದೂಗಳ ಸಡಗರದ ಹಬ್ಬ ದೀಪಾವಳಿ ಆಚರಣೆಗೆ ಕ್ಷಣಗಣನೆ ಆರಂಭವಾಗಿದ್ದು, ಆಸ್ಟ್ರೇಲಿಯಾದಲ್ಲೂ ದೀಪಾವಳಿ ಆಚರಿಸಲು ಅಲ್ಲಿನ ಜನತೆ ನಿರ್ಧರಿಸಿದ್ದಾರೆ. ಐತಿಹಾಸಿಕ ಒಪೆರಾ ಹೌಸ್ ದೀಪಾವಳಿಯಂದು ದೀಪಾಲಂಕಾರದಿಂದ ರಾರಾಜಿಸಲಿದೆ.
ಭಾರತೀಯರ ಹಬ್ಬಗಳು ಇದೀಗ ವಿದೇಶಿಯರ ಹೃದಯ ಗೆಲ್ಲುತ್ತಿದ್ದು, ಸಿಂಗಾಪುರದ ಲಿಟ್ಲ್ ಇಂಡಿಯಾ ರೈಲ್ವೆ ನಿಲ್ದಾಣದಲ್ಲಿ ದೀಪಾವಳಿ ಆಚರಿಸಲೂ ಸಕಲ ಸಿದ್ಥತೆ ನಡೆಸಲಾಗಿದೆ. ಇನ್ನು ಇದರ ಬೆನ್ನಲ್ಲೇ ಸಿಡ್ನಿಯಾ ಒಪೆರಾ ಹೌಸ್ ಕೂಡ ಸರ್ವಸನ್ನದವಾಗಿದೆ.
ಸಿಡ್ನಿಯ ಒಪೆರಾ ಹೌಸ್ ನಲ್ಲಿ ನ್ಯೂ ಸೌಥ್ ವೆಲ್ಸ್ ಮುಖ್ಯಮಂತ್ರಿ ಮೈಕ್ ಬೇರ್ಡ್ ಉದ್ಘಾಟನೆ ಮಾಡಲಿದ್ದಾರೆ. ಭಾರತದಲ್ಲಿ ದೀಪಾವಳಿಯನ್ನು ಅಕ್ಟೋಬರ್ 30ರಂದು ಆಚರಿಸಲಾಗುತ್ತದೆ.