ಕೈರೋ: ಸುಡಾನ್ ನ ರಷ್ಯಾ ರಾಯಭಾರಿಯು ತಮ್ಮ ಖಾರ್ಟೌಮ್ ನಿವಾಸದಲ್ಲಿ ಮೃತಪಟ್ಟಿದ್ದಾರೆ ಎಂದು ಸುದಾನ್ ಸುಡಾನ್ ವಿದೇಶಾಂಗ ಸಚಿವಾಲಯವು ತನ್ನ ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿದೆ.
ಸಚಿವಾಲಯವು ಸುನಾ ನ್ಯೂಸ್ ಏಜೆನ್ಸಿ ಗೆ ನೀಡಿದ ಹೇಳಿಕೆಯಲ್ಲಿ, ರಷ್ಯಾ ರಾಯಭಾರಿ ಮಿರ್ಗಿಯಾಸ್ ಶಿರಿನ್ಸ್ಕಿ ಬುಧವಾರ ಇಲ್ಲಿ ನಿಧನರಾಗಿದ್ದಾರೆ. ಇದಕ್ಕಾಗಿ ರಷ್ಯಾ ಸರ್ಕಾರ ಮತ್ತು ಅಲ್ಲಿನ ಜನರಿಗೆ ತಾನು ಸಂತಾಪ ವ್ಯಕ್ತಪಡಿಸುತ್ತೇನೆ ಎಂದಿದೆ
ಶಿರನ್ಸ್ಕಿ ಯವರ ರಾಜತಾಂತ್ರಿಕ ಕೆಲಸಗಳು ಎಂದಿನಂತೆಯೇ ನಡೆಯುತ್ತಿದ್ದು, ಅವರ ಸಾವಿನ ಕುರಿತಂತೆ ಯಾವ ಬಗೆಯ ಯಾವುದೇ ಅನುಮಾನಾಸ್ಪದ ವಿವರಗಳಿಲ್ಲ ಎಂದು ಸಚಿವಾಲಯವು ತಿಳಿಸಿದೆ.
60 ರ ವಯೋಮಾನದ ಶಿರಿನ್ಸ್ಕಿ ಅವರು 1977 ರಿಂದ ರಷ್ಯಾದ ರಾಜತಾಂತ್ರಿಕ ಸೇವೆಯಲ್ಲಿದ್ದರು ಮತ್ತು ಹಿಂದೆ ಯೆಮೆನ್, ಸೌದಿ ಅರೇಬಿಯಾ ಮತ್ತು ರುವಾಂಡಾದಲ್ಲಿ ರಾಯಭಾರಿಯಾಗಿ ಸೇವೆ ಸಲ್ಲಿಸಿದ್ದರು.
ಅವರನ್ನು 2013 ರಲ್ಲಿ ಸುಡಾನ್ ರಾಯಭಾರಿಯಾಗಿ ನೇಮಕ ಮಾಡಲಾಗಿತ್ತು.
Follow KannadaPrabha channel on WhatsApp
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Subscribe to KannadaPrabha YouTube Channel and watch Videos