ಕಾಬೂಲ್(ಅಫ್ಗಾನಿಸ್ತಾನ್): ಆಫ್ಗಾನ್ ಸರ್ಕಾರ ಮತ್ತು ಭದ್ರತಾ ಪಡೆಗಳಿಗೆ ಸಹಕರಿಸುತ್ತಿದ್ದಾರೆ ಎಂದು 70 ಮಂದಿ ಸಾರ್ವಜನಿಕರನ್ನು ಅಪಹರಿಸಿದ್ದ ತಾಲಿಬಾನ್ ಉಗ್ರರು ಈ ಪೈಕಿ ಏಳು ಮಂದಿಯನ್ನು ಹತ್ಯೆ ಮಾಡಿದ್ದಾರೆ.
ಅಫ್ಗಾನಿಸ್ತಾನದ ಕಂದಹಾರ್ ಪ್ರಾಂತ್ಯ ವಿವಿಧ ಹಳ್ಳಿಗಳಿಂದ 70 ಮಂದಿ ಸಾರ್ವಜನಿಕರನ್ನು ತಾಲಿಬಾನ್ ಉಗ್ರರು ಅಪಹರಿಸಿದ್ದರು. ಇವರ ಪೈಕಿ ಏಳು ಮಂದಿಯನ್ನು ಗುಂಡಿಟ್ಟು ಹತ್ಯೆ ಮಾಡಲಾಗಿದೆ ಎಂದು ಕಂದಹಾರ್ ಪೊಲೀಸರು ತಿಳಿಸಿದ್ದಾರೆ.
ದೇಶದ ವಿವಿಧ ಭಾಗಗಳಲ್ಲಿ ತಾಲಿಬಾನ್ ಉಗ್ರರು ಸಾರ್ವಜನಿಕರನ್ನು ಅಪಹರಿಸಿ ಹತ್ಯಾಕಾಂಡ ನಡೆಸುತ್ತಾ ಬಂದಿದ್ದಾರೆ.