ಇಸ್ತಾಂಬುಲ್: ಇಸ್ಲಾಮಿಕ್ ಸ್ಟೇಟ್ ಭಯೋತ್ಪಾದಕರ ವಿರುದ್ಧ ಹೋರಾಡಲು ಸಿರಿಯಾದಲ್ಲಿ ಕುರ್ದಿಶ್ ಯೋಧರಿಗೆ ಶಸ್ತಾಸ್ತ್ರಗಳನ್ನು ಒದಗಿಸುವ ಅಮೆರಿಕಾ ನಿರ್ಧಾರ ಒಪ್ಪಿಕೊಳ್ಳಲಾಗುವುದಿಲ್ಲ ಎಂದು ಟರ್ಕಿ ಉಪ ಪ್ರಧಾನಮಂತ್ರಿ ಬುಧವಾರ ಹೇಳಿದ್ದಾರೆ. 

ಪೀಪಲ್ಸ್ ಪ್ರೊಟೆಕ್ಷನ್ ಯುನಿಟ್ಸ್ (ವೈ ಪಿ ಜಿ) ನಂತಹ ಸಂಸ್ಥೆಗಳಿಗೆ ಶಸ್ತ್ರಾಸ್ತ್ರಗಳನ್ನು ಒದಗಿಸುವುದಾಗಿ ವಾಷಿಂಗ್ಟನ್ ಘೋಷಿಸಿತ್ತು. ಈ ಸಂಸ್ಥೆಯನ್ನು ಟರ್ಕಿ ಭಯೋತ್ಪಾದಕ ಸಂಘಟನೆಯೆಂದು ಪರಿಗಣಿಸುತ್ತದೆ. 

"ಅವರು ಕೂಡ ಭಯೋತ್ಪಾದಕ ಸಂಸ್ಥೆ ಎಂದು ಗುರುತಿಸಿರುವ ವೈಪಿಜಿಗೆ ಶಸ್ತಾಸ್ತ್ರ ನೀಡುವ ಅಮೆರಿಕಾ ಕ್ರಮ ಪರಿಸ್ಥಿತಿಯನ್ನು ಬದಲಾಯಿಸುವುದಿಲ್ಲ. ಇದನ್ನು ಒಪ್ಪಿಕೊಳ್ಳಲು ಸಾಧ್ಯವಿಲ್ಲ" ಎಂದು ಉಪಪ್ರಧಾನಿ ನುರೆಟ್ಟಿನ್ ಕ್ಯಾನಿಕಿ ಟರ್ಕಿಶ್ ಸುದ್ದಿವಾಹಿನಿಗೆ ತಿಳಿಸಿದ್ದಾರೆ.

ಟರ್ಕಿ, ಅಮೆರಿಕಾ ಮತ್ತು ಯೂರೋಪಿಯನ್ ಗಣರಾಜ್ಯ ಭಯೋತ್ಪಾದಕ ಸಂಸ್ಥೆ ಎಂದು ಗುರುತಿಸರುವ ಕುರ್ದಿಸ್ತಾನ್ ವರ್ಕರ್ಸ್ ಪಾರ್ಟಿಯ ಅಂಗಸಂಸ್ಥೆ ವೈಪಿಜಿ ಎಂದೇ ಅಂಕಾರ ಪರಿಗಣಿಸುತ್ತದೆ. ಆದರೆ ವೈಪಿಜಿಯನ್ನು ಭಯೋತ್ಪಾದಕ ಸಂಸ್ಥೆಯೆಂದು ಅಮೆರಿಕಾ ಆಗಲಿ ಯೂರೋಪ್ ಗಣರಾಜ್ಯವಾಗಲಿ ಘೋಷಿಸಿಲ್ಲ.