ಚೀನಾ: ಚೀನಾದ ಫುಜಿಯನ್ ಪ್ರಾಂತ್ಯದ ರೈಲ್ವೆ ನಿಲ್ದಾಣದಲ್ಲಿ ವೇಗವಾಗಿ ಚಲಿಸುತ್ತಿದ್ದ ಬುಲೆಟ್ ಟ್ರೈನಿಗೆ ಬಿದ್ದು ಆತ್ಮಹತ್ಯೆಗೆ ಯತ್ನಿಸಿದ ಕಾಲೇಜು ವಿದ್ಯಾರ್ಥಿನಿಯನ್ನು ಯುವಕನೊಬ್ಬ ಜೀವದ ಹಂಗು ತೊರೆದು ರಕ್ಷಿಸಿದ್ದಾನೆ.
ನಿಲ್ದಾಣಲ್ಲಿ ನಿಂತಿದ್ದ ವಿದ್ಯಾರ್ಥಿನಿ ರೈಲು ಬರುವುದನ್ನೆ ಕಾಯುತ್ತಾ ನಿಂತಿರುತ್ತಾಳೆ. ರೈಲು ಬರುವುದನ್ನು ಕಂಡ ಯುವತಿ ಕೂಡಲೇ ರೈಲು ಹಳಿಗೆ ಜಿಗಿಯಲು ಯತ್ನಿಸುತ್ತಾಳೆ ಈ ವೇಳೆ ಅಲ್ಲೆ ಪಕ್ಕದಲ್ಲಿದ್ದ ಯುವಕ ಆಕೆಯ ಕೈಯನ್ನು ಹಿಡಿದು ಹಿಂದಕ್ಕೆ ಎಳೆಯುತ್ತಾನೆ. ಆಗ ಆತ ಸಹ ಕೆಳಗೆ ಬೀಳುತ್ತಾನೆ. ಇನ್ನೇನು ರೈಲಿಗೆ ಆಕೆ ಸಿಲುಕುತ್ತಾನೆ ಎನ್ನುವಷ್ಟರಲ್ಲಿ ವಿದ್ಯಾರ್ಥಿಯನ್ನು ಹಿಂದಕ್ಕೆ ಎಳೆದು ಜೀವ ಉಳಿಸಿದ್ದಾನೆ. ಈ ದೃಶ್ಯಗಳು ಸಿಸಿಟಿವಿಯಲ್ಲಿ ಸೆರೆಯಾಗಿದೆ.
ಇನ್ನು ವಿದ್ಯಾರ್ಥಿನಿ ಆತ್ಮಹತ್ಯೆಗೆ ಕಾರಣ ಎನೆಂಬುದು ತಿಳಿದುಬಂದಿಲ್ಲ. ಯುವಕ ಸಾಹಸದಿಂದ ವಿದ್ಯಾರ್ಥಿನಿ ಬದುಕುಳಿದಿದ್ದಾಳೆ.