ಕಠ್ಮಂಡು: ಜಗತ್ತಿನ ಅತಿ ಎತ್ತರದ ಶಿಖರ ಮೌಂಟ್ ಎವರೆಸ್ಟ್ ಏರಿದ ಬಳಿಕ ನಾಪತ್ತೆಯಾಗಿದ್ದ 27 ವರ್ಷದ ಭಾರತೀಯ ಪರ್ವತಾರೋಹಿಯೊಬ್ಬರು ಸೋಮವಾರ ಶವವಾಗಿ ಪತ್ತೆಯಾಗಿದ್ದಾರೆ. 

8,850 ಮೀಟರ್ ಎತ್ತರದ ಮೌಂಟ್ ಎವರೆಸ್ಟ್ ಪರ್ವತ ಶಿಖರ ಏರಿ ವಿಜಯ ಪತಾಕೆ ಹಾರಿಸಿದ್ದ ಉತ್ತರ ಪ್ರದೇಶದ ರವಿ ಕುಮಾರ್ ಅವರು ಪರ್ವತದಿಂದ ಇಳಿಯುವಾಗ ಸುಮಾರು 200 ಮೀಟರ್ ಆಳಕ್ಕೆ ಬಿದ್ದು ಮೃತಪಟ್ಟಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ರವಿ ಕುಮಾರ್ ಪರ್ವತ ಶಿಖರ ಏರಿದ ಬಳಿಕ ವಾಪಸ್ ಬರುವಾರ ಬಾಲ್ಕೋನಿ ಎಂಬ ಪ್ರದೇಶದಲ್ಲಿ ಸುಮಾರು 150ರಿಂದ 200 ಮೀಟರ್ ಆಳಕ್ಕೆ ಬಿದ್ದು ಮೃತಪಟ್ಟಿರುವುದಾಗಿ ಮೌಂಟ್ ಎವರೆಸ್ಟ್ ನಲ್ಲಿರುವ ನಮ್ಮ ಸಂಪರ್ಕ ಕಚೇರಿಯ ಅಧಿಕಾರಿ ಖಚಿತಪಡಿಸುವುದಾಗಿ ಪ್ರವಾಸೋದ್ಯಮ ಇಲಾಖೆಯ ಮಹಾ ನಿರ್ದೇಶಕ ದಿನೇಶ್ ಭಟ್ಟಾರಿಯಾ ಅವರು ಹೇಳಿದ್ದಾರೆ.

ಬಾಲ್ಕೋನಿ ಪರ್ವಾತರೋಹಿಗಳು ವಿಶ್ರಮಿಸುವ ಕೊನೆಯ ಸ್ಥಳವಾಗಿದೆ ಎಂದು ಅವರು ತಿಳಿಸಿದ್ದಾರೆ.

ರವಿ ಕುಮಾರ್ ಅವರು ಕಳೆದ ಶನಿವಾರ ಮಧ್ಯಾಹ್ನ 1.28ಕ್ಕೆ ವಿಶ್ವದ ಅತಿ ಎತ್ತರದ ಪರ್ವತ ಶಿಖರದ ತುದಿ ತಲುಪಿದ್ದರು.