ರಾವಲ್ಪಿಂಡಿ: ಪಾಕಿಸ್ತಾನ ಆಕ್ರಮಿತ ಕಾಶ್ಮೀರ(ಪಿಒಕೆ)ದಲ್ಲಿ ನಡೆಯುತ್ತಿರುವ ರಾಜಕೀಯ ಕಾರ್ಯಕರ್ತರ ಅಪಹರಣವನ್ನು ವಿರೋಧಿಸಿ ಯೂನೈಟೆಡ್ ಕಾಶ್ಮೀರಿ ಪೀಪಲ್ಸ್ ನ್ಯಾಷಿನಲ್ ಪಾರ್ಟಿ(ಯುಕೆಪಿಎನ್ ಪಿ) ಸೋಮವಾರ ಪಾಕಿಸ್ತಾನದ ವಿರುದ್ಧ ಸರಣಿ ಪ್ರತಿಭಟನೆ ಹಾಗೂ ಸಮಾವೇಶವನ್ನು ನಡೆಸಿದೆ.

ಕಾರ್ಯಕರ್ತರ ಅಪಹರಣವನ್ನು ನಿಲ್ಲಿಸಿ, ಆಜಾದ್ ಕಾಶ್ಮೀರಿ ಹೆಸರಿನಲ್ಲಿ ನಡೆಯುತ್ತಿರುವ ಅಕ್ರಮವನ್ನು ನಿಲ್ಲಿಸಿ... ಪಾಕಿಸ್ತಾನದಿಂದ ನಮಗೆ ಸ್ವಾತಂತ್ರ್ಯ ಬೇಕು ಎಂದು ಘೋಷಣೆಗಳನ್ನು ಕೂಗುತ್ತ ಯುಕೆಪಿಎನ್ ಪಿ ಕಾರ್ಯಕರ್ತರು ರಾವಲ್ಪಿಂಡಿಯಲ್ಲಿ ಬೃಹತ್ ಪ್ರತಿಭಟನಾ ರ್ಯಾಲಿ ನಡೆಸಿದರು. ಅಲ್ಲದೆ ಚೀನಾ ಪಾಕ್ ಆಕ್ರಮಿತ ಪ್ರದೇಶವನ್ನು ತೊರೆಯಬೇಕು ಎಂದು ಒತ್ತಾಯಿಸಿದ್ದಾರೆ.

ಇನ್ನು ಪಾಕ್ ಆಕ್ರಮಿತಿ ಮುಜಾಫರಬಾದ್ ನಲ್ಲೂ ಪಾಕಿಸ್ತಾನದ ವಿರುದ್ಧ ಪ್ರತಿಭಟನೆ ನಡೆಸಲಾಯಿತು.

ವಿಶ್ವಸಂಸ್ಥೆಯ ಭದ್ರತಾ ಮಂಡಳಿ ನಿಲುವಳಿ ಸೂಚನೆಯಂತೆ ಪಾಕಿಸ್ತಾನ ಪಿಒಕೆಯಿಂದ ಭದ್ರತಾ ಪಡೆಗಳನ್ನು ಹಿಂಪಡೆಯಬೇಕು ಎಂದು ಪ್ರತಿಭಟನಾಕಾರರು ಆಗ್ರಹಿಸಿದ್ದಾರೆ.