ಅಮೆರಿಕದ ಮೂವರು ಸಾಧಕರಿಗೆ ವೈದ್ಯಕೀಯ ನೋಬೆಲ್ ಪುರಸ್ಕಾರ

ಸ್ಟಾಕ್ ಹೋಮ್: ಅಮೆರಿಕದ ಜೆಫ್ರಿ ಸಿ. ಹಾಲ್, ಮೈಕೆಲ್ ರಾಸ್ಬಾಶ್ ಮತ್ತು ಮೈಕೆಲ್ ಡಬ್ಲ್ಯೂ. ಯಂಗ್ ಅವರು ಜಂಟಿಯಾಗಿ 2017ರ ವೈದ್ಯಕೀಯ ನೊಬೆಲ್ ಪ್ರಶಸ್ತಿಗೆ ಭಾಜನರಾಗಿದ್ದಾರೆ. ಸಿರ್ಕಾಡಿಯನ್ ರಿದಮ್ ಎಂದು ಕರೆಯಲ್ಪಡುವ ಆಂತರಿಕ ಜೈವಿಕ ಗಡಿಯಾರದ ಕುರಿತ ಅವರ ಸಂಶೋಧನೆ ಗಾಗಿ ಈ ಪ್ರಶಸ್ತಿ ಲಭಿಸಿದೆ.

"ಸಸ್ಯ, ಪ್ರಾಣಿ ಮತ್ತು ಮಾನವರು ತಮ್ಮ ಜೈವಿಕ ಲಯವನ್ನು ಹೇಗೆ ಅಳವಡಿಸಿಕೊಳ್ಳುತ್ತಾರೆ ಎನ್ನುವುದನ್ನು ಅವರ ಸಂಶೋಧನೆ ವಿವರಿಸುತ್ತವೆ, ಇದು ಜಗತ್ತಿನ ಮಹತ್ವದ ಸಂಶೋಧನೆ ಆಗಿದೆ" ಎಂದು ನೋಬೆಲ್ ಆಯ್ಕೆ ಸಮಿತಿ ಅಭಿಪ್ರಾಯ ಪಟ್ಟಿದೆ.