ಬಿಯರ್ ಬಾಟಲ್ ಮೇಲೆ ಭಗವಾನ್ ಗಣೇಶನ ಭಾವಚಿತ್ರ ಮುದ್ರಿಸಿದ್ದ ಸ್ಕಾಟಿಶ್ ಸಂಸ್ಥೆ ಹಿಂದೂ ಸಂಘಟನೆಗಳ ಪ್ರತಿಭಟನೆ ಹಿನ್ನೆಲೆಯಲ್ಲಿ ಬಾಟಲ್ ಗಳ ಮೇಲಿದ್ದ ದೇವರ ಚಿತ್ರವನ್ನು ಹಿಂಪಡೆದಿದೆ. 

ಸ್ಕಾಟಿಶ್ ನ ಗಡಿ ಭಾಗದಲ್ಲಿರುವ ಗ್ಯಾಲಾಶಿಯಲ್ಸ್ ನಗರದಲ್ಲಿದ್ದ ಬಿಯರ್ ಸಂಸ್ಥೆ ಇಂಡಿಯಾ ಪಿಲ್ಸ್ ಬಿಯರ್ ಬ್ರಾಂಡ್ ನ್ನು ಗಣೇಶನ ಭಾವಚಿತ್ರದೊಂದಿಗೆ ಮಾರಾಟ ಮಾಡುತ್ತಿತ್ತು. ನಮ್ಮ ಹಾಪ್ಪಿ ಪಿಲ್ಸ್ನರ್ ನೊಂದಿಗೆ  ನಿಮ್ಮೊಳಗಿನ ಗಣೇಶನನ್ನು ಕಂಡುಕೊಳ್ಳಿ ಎಲ್ಲಾ ಅಡೆತಡೆಗಳಿಂದಲೂ ಹೊರಬನ್ನಿ ಎಂಬ ಸಂದೇಶವನ್ನು ಪ್ರಕಟಿಸಲಾಗಿತ್ತು. 

ಆದರೆ ಈ ವಿಷಯ ಗಮನಕ್ಕೆ ಬರುತ್ತಿದ್ದಂತೆಯೇ ಅಮೆರಿಕದ ಹಿಂದೂಪರ ಸಂಘಟಾನೆಗಳು ಟೆಂಪ್ಸೆಟ್ ಬ್ರಿವರಿಂಗ್ ಕೋ. ಸಂಸ್ಥೆ ವಿರುದ್ಧ ಪ್ರತಿಭಟನೆ ನಡೆಸಿದ್ದು, ಪರಿಣಾಮ ಚಿತ್ರ ಹಾಗೂ ಸಂದೇಶವನ್ನು ತೆಗೆದುಹಾಕಿ, ಕ್ಷಮೆ ಕೇಳಿದೆ.