ಬ್ರಸೆಲ್ಸ್: ಮಾಜಿ ಗೂಢಚಾರಿಯ ವಿರುದ್ಧ ವಿಷ ಪ್ರಾಶನ ಮಾಡಿಸಿರುವ ಆರೋಪ ಎದುರಿಸುತ್ತಿರುವ ರಷ್ಯಾ ವಿರುದ್ಧ ನ್ಯಾಟೋ ಸಹ ಕ್ರಮ ಕೈಗೊಳ್ಳಲು ಮುಂದಾಗಿದ್ದು, 7 ರಷ್ಯಾದ ರಾಜತಾಂತ್ರಿಕ ಅಧಿಕಾರಿಗಳನ್ನು ಉಚ್ಛಾಟನೆ ಮಾಡಲು ಮುಂದಾಗಿದೆ.
ರಷ್ಯಾ ರಾಜತಾಂತ್ರಿಕ ಅಧಿಕಾರಿಗಳ ಮಾನ್ಯತೆಯನ್ನು ವಾಪಸ್ ಪಡೆಯುವುದಾಗಿ ನ್ಯಾಟೋ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದೆ. ನ್ಯಾಟೋದ ಒಟ್ಟು 25 ಮಿತ್ರ ರಾಷ್ಟ್ರಗಳು ಈ ವರೆಗೂ ರಷ್ಯಾದ 140 ರಾಜತಾಂತ್ರಿಕ ಅಧಿಕಾರಿಗಳನ್ನು ಉಚ್ಚಾಟನೆ ಮಾಡಿವೆ. ಬ್ರಿಟನ್ ನಲ್ಲಿದ್ದ ಮಾಜಿ-ಗೂಢಚಾರಿಗೆ ವಿಷ ಹಾಕಿರುವ ಆರೋಪ ರಷ್ಯಾ ವಿರುದ್ಧ ಕೇಳಿಬಂದಿದ್ದು, ಈಗಾಗಲೇ ಅಮೆರಿಕ, ಬ್ರಿಟನ್, ಯುರೋಪಿಯನ್ ರಾಷ್ಟ್ರಗಳು ರಷ್ಯಾದ ರಾಜತಾಂತ್ರಿಕ ಅಧಿಕಾರಿಗಳನ್ನು ಉಚ್ಛಾಟನೆ ಮಾಡಿವೆ.