ಪ್ಯಾರಿಸ್: ಯುವಕನೋರ್ವ ತನ್ನ ಜೀವದ ಹಂಗನ್ನು ತೊರೆದು ಕ್ಷಣ ಮಾತ್ರದಲ್ಲಿ ನಾಲ್ಕು ಮಹಡಿ ಏರಿ ಕೆಳಗೆ ಬೀಳುತ್ತಿದ್ದ ಮಗುವನ್ನು ರಕ್ಷಿಸಿ ಸಾಹಸ ಮೇರೆದ ಘಟನೆ ಪ್ಯಾರಿಸ್ ನಲ್ಲಿ ನಡೆದಿದೆ.
ಅಪಾರ್ಟ್ ಮೆಂಟ್ ಕಟ್ಟಡವೊಂದರ ನಾಲ್ಕನೇ ಮಹಡಿಯ ಬಾಲ್ಕನಿಯಿಂದ ಅಪಾಯಕಾರಿಯಾಗಿ ನೇತಾಡುತ್ತಿದ್ದ ನಾಲ್ಕು ವರ್ಷದ ಮಗುವೊಂದು ಯುವಕನೊಬ್ಬ ಕಟ್ಟಡದ ಹೊರಭಾಗದಿಂದ ಸ್ಪೈಡರ್ ಮ್ಯಾನ್ ನಂತೆ ಏರಿ ಮಗುವನ್ನು ರಕ್ಷಿಸಿರುವುದು ಕ್ಯಾಮರಾದಲ್ಲಿ ಸೆರೆಯಾಗಿದ್ದು ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಸಾಹಸಿ ಯುವಕ ಬರಿಗೈಯಲ್ಲಿ ಒಂದು ಬಾಲ್ಕನಿಯಿಂದ ಇನ್ನೊಂದು ಬಾಲ್ಕನಿಗೆ ಜಿಗಿದು ನಾಲ್ಕನೇ ಮಹಡಿಗೆ ಹತ್ತುವ ಮೂಲಕ ಮಗುವನ್ನು ರಕ್ಷಿಸಿದ್ದು ಆ ಯುವಕನ ಚಾಕಚಕ್ಯತೆ ಮತ್ತು ಸಮಯಪ್ರಜ್ಞೆಯನ್ನು ಟ್ವೀಟರಿಗರು ಪ್ರಶಂಸಿಸಿದ್ದಾರೆ.
ಯುವಕನನ್ನು ಮಮೌದೌ ಗಸ್ಸಮ್ ಎಂದು ಹೇಳಲಾಗಿದ್ದು ಆತನಿಗೆ ಪ್ಯಾರಿಸ್ ಮೇಯರ್ ಆನ್ನೆ ಹಿಡಾಲ್ಗೊ ಪ್ರಶಂಸಿಸಿದ್ದಾರೆ.