ಕ್ಯಾಲಿಫೋರ್ನಿಯಾ: ಐದು ವರ್ಷದ ಮಗುವಿನ ಹೆಸರನ್ನು ಎಬಿಸಿಡಿಇ ಎಂದು ಕರೆದು ಗೇಲಿ ಮಾಡಿದ್ದ ವಿಮಾನಯಾನ ಸಂಸ್ಥೆಯೊಂದು ಕೊನೆಗೆ ತಮ್ಮ ತಪ್ಪಿನ ಅರಿವಾಗಿ ಕೊನೆಗೆ ಸಾರ್ವಜನಿಕವಾಗಿ ಕ್ಷಮೆಯಾಚಿಸಿದೆ. 

ಕ್ಯಾಲಿಫೋರ್ನಿಯಾದ ಸಂತಾ ಅನಾ ವಿಮಾನ ನಿಲ್ದಾಣದಿಂದ ಟೆಕ್ಸಾಸ್ ನ ಎಲ್ ಪಾಸೊಗೆ ತಾಯಿ ಹಾಗೂ ತನ್ನ 5 ವರ್ಷದ ಹೆಣ್ಣು ಮಗುವಿನ ಜತೆ ಪ್ರಯಾಣಿಸಲು ಬಂದಿದ್ದರು. ವಿಮಾನ ನಿಲ್ದಾಣದಲ್ಲಿ ಗೇಟ್ ಎಜೆಂಟ್ ಮಗುವಿನ ಹೆಸರನ್ನು ಕೇಳಿ ನಕ್ಕಿದ್ದಾನೆ. ಇದರಿಂದ ಮಗುವಿನ ತಾಯಿ ಬೇಸರಗೊಂಡರು. ಈ ಘಟನೆ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. 

ಇದರಿಂದ ಎಚ್ಚೇತ್ತ ಸೌಥ್ ವೆಸ್ಟ್ ವಿಮಾನಯಾನ ಸಂಸ್ಥೆಯ ವಕ್ತಾರ ಕ್ರಿಸ್ ಮೈನ್ಜಾ ಅವರು ಮಗುವಿನ ಕುಟುಂಬಸ್ಥರಲ್ಲಿ ಕ್ಷಮೆಯಾಚಿಸಿದ್ದಾರೆ. ಕರ್ತವ್ಯದ ವೇಳೆ ಸಿಬ್ಬಂದಿ ಈ ರೀತಿ ವರ್ತಿಸಬಾರದಿತ್ತು ಎಂದು ಹೇಳಿದ್ದಾರೆ.