ಇರಾನ್ ಮೇಲೆ ಟ್ರಂಪ್ ನಿರ್ಬಂಧ ವಿಧಿಸಿರುವುದರ ಪರಿಣಾಮ ನವೆಂಬರ್ ನಲ್ಲಿ ಕಾಣಿಸಿಕೊಳ್ಳಲಿದ್ದು ತೈಲ ಬೆಲೆ ಬ್ಯಾರೆಲ್ ಗೆ 100 ಡಾಲರ್ ಮುಟ್ಟುವ ಸಾಧ್ಯತೆಗಳಿವೆ. ಈ ನಡುವೆ ಡೊನಾಲ್ಡ್ ಟ್ರಂಪ್ ತೈಲ ಬೆಲೆಯನ್ನು ಕಡಿಮೆ ಮಾಡುವಂತೆ ಸೌದಿ ಮೇಲೆ ಒತ್ತಡ ಹೇರುತ್ತಿದ್ದಾರೆ. ಅಷ್ಟೇ ಸಾಲದು ಎಂಬಂತೆ ಈಗ ಅಮೆರಿಕ ಸೇನೆ ಬೆಂಬಲ ಇಲ್ಲದೇ ಸೌದಿಯ ರಾಜ 2 ವಾರಗಳೂ ಅಧಿಕಾರದಲ್ಲಿರುವುದಕ್ಕೆ ಸಾಧ್ಯವಿಲ್ಲ ಎಂದಿದ್ದಾರೆ. 

ತೈಲ ಮಾರುಕಟ್ಟೆಯಲ್ಲಿ ಸ್ಥಿರತೆ ಕಾಯ್ದುಕೊಂಡು ಜಗತ್ತಿನ ಬೆಳವಣಿಗೆಗೆ ಸಹಕರಿಸುವುದಕ್ಕೆ ಸಂಬಂಧಿಸಿದಂತೆ ಸೌದಿ ಅರೇಬಿಯಾ  ರಾಜನ ಜೊತೆ ಟ್ರಂಪ್ ಶನಿವಾರ ಮಾತುಕತೆ ನಡೆಸಿದ್ದರು. ಈ ಬೆನ್ನಲ್ಲೇ ಸೌದಿ ಬಗ್ಗೆ ಮಾತನಾಡಿರುವ ಟ್ರಂಪ್, ನಾವು ಸೌದಿ ಅರೇಬಿಯಾವನ್ನು ರಕ್ಷಿಸುತ್ತೇವೆ, ಆದರೆ ಅವರನ್ನು ಶ್ರೀಮಂತರೆನ್ನುತ್ತೀರಾ? ಸೌದಿ ಅರೇಬಿಯಾ ದೊರೆಯೆಂದರೆ ನನಗೆ ಅಚ್ಚುಮೆಚ್ಚು , ಅಲ್ಲಿನ ದೊರೆಯನ್ನು ನಾವು ರಕ್ಷಿಸುತ್ತಿದ್ದೇವೆ, ನಮ್ಮ ಸೇನೆ ಬೆಂಬಲ ಇಲ್ಲದೇ ಸೌದಿ ಅರೇಬಿಯಾ ರಾಜ 2 ವಾರಗಳೂ ಅಧಿಕಾರಲ್ಲಿರುವುದಕ್ಕೆ ಸಾಧ್ಯವಿಲ್ಲ ಎಂದು ಟ್ರಂಪ್ ಹೇಳಿ ಅಚ್ಚರಿ ಮೂಡಿಸಿದ್ದಾರೆ.