ದ್ವಿಪಕ್ಷೀಯ ಸಂಬಂಧ ವೃದ್ಧಿಗೊಳಿಸುವುದಕ್ಕೆ ಪ್ರಧಾನಿ ನರೇಂದ್ರ ಮೋದಿ ಹಾಗೂ ಜಪಾನ್ ಪ್ರಧಾನಿ ಶಿಂಜೋ ಅಬೆ ತೀರ್ಮಾನಿಸಿದ್ದು, 2+2 ಮಾತುಕತೆಗೆ ಶೀಘ್ರವೇ ಚಾಲನೆ ನೀಡಲು ನಿರ್ಧರಿಸಿದ್ದಾರೆ.  ಭಾರತ-ಜಪಾನ್ ನಡುವೆ ಪರಸ್ಪರ ಸಹಕಾರವಿಲ್ಲದೇ 21 ನೇ ಶತಮಾನ ಏಷ್ಯದ ಶತಮಾನವಾಗುವುದಕ್ಕೆ ಸಾಧ್ಯವಿಲ್ಲ ಎಂದು ಪ್ರಧಾನಿ ನರೇಂದ್ರ ಮೋದಿ ಜಂಟಿ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದ್ದಾರೆ. 

ಜಪಾನ್-ಭಾರತದ ರಕ್ಷಣಾ ಸಚಿವರು ಹಾಗೂ ವಿದೇಶಾಂಗ ಸಚಿವರ ನಡುವೆ 2+2 ಮಾತುಕತೆ ನಡೆಸುವುದಕ್ಕೆ ಶಿಂಜೋ ಅಬೆ ಹಾಗೂ ನಾನು ನಿರ್ಧರಿಸಿದ್ದೇವೆ ಎಂದು ಮೋದಿ ಮಾಹಿತಿ ನೀಡಿದ್ದಾರೆ.

ಕಳೆದ ತಿಂಗಳಷ್ಟೇ ಭಾರತ ಅಮೆರೆಕಾದೊಂದಿಗೆ 2+2 ಮಾತುಕತೆಯನ್ನು ಪ್ರಾರಂಭಿಸಿತ್ತು. ಈಗ ಜಗತ್ತಿನ ಮತ್ತೊಂದು ಪ್ರಮುಖ ರಾಷ್ಟ್ರದೊಂದಿಗೆ ಭಾರತ 2+2 ಪ್ರಾರಂಭಿಸುವ ಮೂಲಕ ಮಹತ್ವದ ರಾಜತಾಂತ್ರಿಕ ಹೆಜ್ಜೆ ಇಡುತ್ತಿದೆ.