ಬಾಳ ಸಂಗಾತಿಯಾಗುವಂತೆ ಪ್ರಿಯಕರ ವಿಮಾನದಲ್ಲೇ ಕರ್ತವ್ಯ ನಿರತ ಗಗನಸಖಿಗೆ ಪ್ರೇಮ ನಿವೇದನೆ ಮಾಡಿದ್ದರಿಂದ ಗಗನಸಖಿ ತನ್ನ ಉದ್ಯೋಗವನ್ನೇ ಕಳೆದುಕೊಳ್ಳಬೇಕಾಗಿದೆ.
ಕಳೆದ ಮೇನಲ್ಲಿ ಪ್ರಿಯಕರನೊಬ್ಬ ಚೀನಾ ಈಸ್ಟರ್ನ್ ಏರ್ ಲೈನ್ಸ್ ನಲ್ಲಿ ಗಗನಸಖಿಯಾಗಿ ಕೆಲಸ ಮಾಡುತ್ತಿದ್ದ ಪ್ರಿಯತಮೆಗೆ ಪ್ರೇಮ ನಿವೇದನೆ ಮಾಡಿದ್ದ. ಈ ಸುಮಧುರ ಕ್ಷಣಗಳನ್ನು ಕ್ಯಾಮೆರಾದಲ್ಲಿ ಸೆರೆಹಿಡಿಯಲಾಗಿತ್ತು. ಇದೇ ವಿಡಿಯೋ ಇದೀಗ ಗಗನಸಖಿಯೆ ಕೆಲಸಕ್ಕೆ ಕುತ್ತು ತಂದಿದೆ.
ಪ್ರಿಯಕರ ಈ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದು ನಂತರ ಈ ವಿಡಿಯೋ ವೈರಲ್ ಆಗಿ ಏರ್ ಲೈನ್ಸ್ ಗೆ ತಲುಪಿಸಿದೆ. ಈ ಘಟನೆ ನಡೆದ ಒಂದು ತಿಂಗಳ ಬಳಿಕ ಸಂಸ್ಥೆ ಗಗನಸಖಿಯನ್ನು ಪ್ರಯಾಣಿಕರನ್ನು ನಿರ್ಲಕ್ಷಿಸಿದ ಆರೋಪದ ಮೇಲೆ ಕೆಲಸದಿಂದ ಕಿತ್ತು ಹಾಕಿದ್ದಾರೆ.
ವಿಮಾನ ಟೇಕ್ ಆಫ್ ಆದ 30 ನಿಮಿಷಗಳ ಬಳಿಕ ಪ್ರಿಯಕರ ತನ್ನ ಇಷ್ಟದ ಹುಡುಗಿ ಗಗನಸಖಿ ಮುಂದೆ ಮಂಡಿಯೂರಿ ಪ್ರೇಮ ನಿವೇದನೆ ಮಾಡಿದ್ದರು.