ಬಾಮಾಕೊ: ನೈಜಿರಿಯಾದ ಗಡಿ ಪ್ರದೇಶ ಮಾಲಿ ಬಳಿ ಶಸ್ತ್ರ ಸಜ್ಜಿತ ಅಪರಿಚಿತ ವ್ಯಕ್ತಿಯೊಬ್ಬ ಮೋಟಾರ್ ಸೈಕಲ್ ನಲ್ಲಿ ಬಂದು ನೊಮ್ಯಾಡಿಕ್ ಸಮುದಾಯದ ಜನರ ಮೇಲೆ ದಾಳಿ ನಡೆಸಿದ್ದು, 12 ಮಂದಿ ನಾಗರಿಕರನ್ನು ಹತ್ಯೆ ಮಾಡಿದ್ದಾನೆ.

ಪಶ್ಚಿಮ ಮೇನಕಾದಿಂದ 45 ಕಿಲೋ ಮೀಟರ್ ದೂರದಲ್ಲಿ ಈ ಘಟನೆ ನಡೆದಿದೆ ಎಂದು ತೌರೆಗ್  ಸ್ವಯಂ ಸೇವಾ ಸಂಘದ ಪ್ರಧಾನ ಕಾರ್ಯದರ್ಶಿ ಮೌಸಾ ಅಗ್ ಅಚಾರಾತೌಮಾನೆ ತಿಳಿಸಿದ್ದಾರೆ.

ಮೇನಕಾದಲ್ಲಿ ಅಂತರ್ ಕೋಮುಗಳ ನಡುವಿನ ಘರ್ಷಣೆ ಹಾಗಾಗ್ಗೇ ಸಂಭವಿಸುತ್ತಿದ್ದು, ಈ ವರ್ಷದಲ್ಲಿ ಸುಮಾರು 100 ನಾಗರಿಕರು ಮೃತಪಟ್ಟಿದ್ದಾರೆ . ಘಟನೆ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ ಎಂದು ರಾಜ್ಯಪಾಲ ದೌದಾ ಮೈಗಾ ಹೇಳಿದ್ದಾರೆ.

ಆದರೆ, ಈವರೆಗೂ ಯಾವುದೇ ಸಂಘಟನೆ ಈ ದಾಳಿಯ ಹೊಣೆ ಹೊತ್ತಿಕೊಂಡಿಲ್ಲ. ಕೆಲವು ತಿಂಗಳುಗಳ ಹಿಂದೆ ಇದಾರ್ಫೇನ್ ಸಮುದಾಯದ ಮೇಲೆ ಆಕ್ರಮಣಕಾರರು ದಾಳಿ ನಡೆಸಿದ್ದರು ಎಂದು ಅವರು ತಿಳಿಸಿದ್ದಾರೆ.