ಬಾಕು(ಅಜೆರ್ಬೈಜಾನ್): ಇಲ್ಲಿನ ಅಸ್ಟಾರಾ ಬಂದರು ಸಮೀಪ ಇರುವ ಲಂಕರನ್ ಬಂದರು ಹತ್ತಿರ ಹೋಗುತ್ತಿದ್ದ ಶಬಹಂಗ್ ಎಂಬ ಇರಾನ್ ಹಡಗಿನಲ್ಲಿದ್ದ ಇಬ್ಬರು ಭಾರತೀಯರನ್ನು ಇರಾನ್ ನ  ಉಳಿದ 7 ಸಿಬ್ಬಂದಿಗಳ ಜೊತೆ ರಕ್ಷಿಸಲಾಗಿದೆ ಎಂದು ಇರಾನ್ ಬಂದರು ಮತ್ತು ಮೆರಿಟೈಮ್ ಸಂಘಟನೆಯ ಉಪ ಮುಖ್ಯಸ್ಥರು ತಿಳಿಸಿದ್ದಾರೆ.

ಅಜೆರ್ಬೈಜಾನ್ ಬಂದರು ಅಕಾಡೆಮಿಯಿಂದ ಸಿಬ್ಬಂದಿಯನ್ನು ರಕ್ಷಿಸಲು ಸಹಾಯ ಕೋರಿ ಎರಡು ಹೆಲಿಕಾಪ್ಟರ್ ಮತ್ತು ಗಸ್ತುಪಡೆ ಹಡಗಿನ ನೆರವಿನಿಂದ ರಕ್ಷಣಾ ಕಾರ್ಯ ಕೈಗೊಂಡಿದ್ದಾರೆ ಎಂದು ಇರಾನ್ ನ ಸುದ್ದಿ ಸಂಸ್ಥೆ ಇರ್ನಾ ವರದಿ ಮಾಡಿದೆ. ಸಿಬ್ಬಂದಿಯನ್ನು ರಕ್ಷಿಸಲಾಗಿದ್ದು, ಅಜೆರಿ ನೀರಿನಲ್ಲಿ ಹಡಗು ಮುಳುಗಿ ಹೋಗಿದೆ.

ಸಮುದ್ರದಲ್ಲಿನ ನೀರು ಸೋರುವಿಕೆಯಿಂದ ಹಡಗು ಮುಳುಗಿತು ಎಂದು ಇರಾನ್ ನ ಅಧಿಕಾರಿ ಜಲಿಲ್ ಎಸ್ಲಮಿ ತಿಳಿಸಿದ್ದಾರೆ.

ಟೈಲ್ಸ್ ನ್ನು ಹಡಗಿನಲ್ಲಿ ಸಾಗಿಸಲಾಗುತ್ತಿತ್ತು. ಇರಾನ್ ನ ಅಂಜಲಿ ಬಂದರಿನಿಂದ ರಷ್ಯಾದ ಮಖಚ್ಕಲಾಕ್ಕೆ ಸಂಚಾರ ಬೆಳೆಸುತ್ತಿತ್ತು.