ಕೊಲಂಬೊ: ಶ್ರೀಲಂಕಾ ಅಧ್ಯಕ್ಷೀಯ ಚುನಾವಣೆಯಲ್ಲಿ ಲಂಕಾದ ಮಾಜಿ ರಕ್ಷಣಾ ಕಾರ್ಯದರ್ಶಿ ಗೊಟಬಯ ರಾಜಪಕ್ಸ ಗೆಲುವು ಸಾಧಿಸಿದ್ದಾರೆ. 

ನಿವೃತ್ತ ಲೆಫ್ಟಿನೆಂಟ್ ಕರ್ನಲ್ ಗೊಟಬಯ ರಾಜಪಕ್ಸ ಶೇಕಡ 48.2ರಷ್ಟು ಮತಗಳನ್ನು ಗಳಿಸಿ ಗೆಲುವು ಸಾಧಿಸಿದ್ದಾರೆ. ಇನ್ನೆರೆಡು ದಿನಗಳಲ್ಲಿ ಅಧ್ಯಕ್ಷರಾಗಿ ರಾಜಪಕ್ಸ ಅವರು ಪ್ರಮಾಣ ವಚನ ಸ್ವೀಕರಿಸಲಿದ್ದಾರೆ ಎಂದು ಗೊಟಬಯ ಅವರ ವಕ್ತಾರ ಕೆಹೆಲಿಯಾ ರಂಬುಕ್ ವೆಲ್ಲಾ ಹೇಳಿದ್ದಾರೆ.

ಅಧ್ಯಕ್ಷ ಚುನಾವಣೆಯಲ್ಲಿ ಗೊಟಬಯ ವಿರುದ್ಧ ವಸತಿ ಸಚಿವ ಪ್ರೇಮದಾಸ ಶೇಕಡ 45.3ರಷ್ಟು ಮತ ಗಳಿಸಿದ್ದಾರೆ. ನವೆಂಬರ್ 16ರಂದು ಚುನಾವಣೆ ನಡೆದಿದ್ದು 15.99 ದಶಲಕ್ಷ ಮತದಾರರ ಪೈಕಿ ಶೇ. 80ರಷ್ಟು ಮತದಾರರು ಮತ ಚಲಾಯಿಸಿದ್ದರು.