ಸ್ಯಾಮ್ ಮೆಂಡೆಸ್ ಅವರ ತಾಂತ್ರಿಕತೆಯ ಬೆರಗೌಗೊಳಿಸುವ ಮೊದಲ ವಿಶ್ವ ಸಮರದ ಕಥೆ “1917”ಗೆ ಅತ್ಯುತ್ತಮ ಚಿತ್ರ ಗೋಲ್ಡನ್ ಗ್ಲೋಬ್ಸ್ಪ್ರಶಸ್ತಿ ಲಭಿಸಿದೆ. 77ನೇ ಗೋಲ್ಡನ್ ಗ್ಲೋಬ್ಸ್ ಪ್ರಶಸ್ತಿ ಪ್ರಧಾನ ಸಮಾರಂಬ ಭಾನುವಾರ ನೆರವೇರಿದ್ದು ಕ್ವೆಂಟಿನ್ ಟ್ಯಾರಂಟಿನೊ ಅವರ “ಒನ್ಸ್ ಅಪಾನ್ ಎ ಟೈಮ್ ಇನ್ ಹಾಲಿವುಡ್" ಹಾಸ್ಯ, ಸಂಗೀತದ ವಿಭಾಗಗಳಲ್ಲಿ ಅತ್ಯುತ್ತಮ ಚಿತ್ರ ಪ್ರಶಸ್ತಿಯನ್ನು ತನ್ನದಾಗಿಸಿಕೊಂಡಿದೆ.
"1917" ಪ್ರಶಸ್ತಿ ಗಳಿಸಿರುವುದು ಅಚ್ಚರಿದಾಯಕ ಅಂಶವಾಗಿದ್ದು ದಿ ಐರಿಶ್ ಮನ್, ಜೋಕರ್, ಮ್ಯಾರೇಜ್ ಸ್ಟೋರಿ ಮತ್ತು ದಿ ಟೂ ಪಾಪ್ಸ್ ಚಿತ್ರಗಳನ್ನು ಹಿಂದಿಕ್ಕಿ ಮೆಂಡಿಸ್ ಚಿತ್ರ ಈ ಸಾಧನೆ ಮಾಡಿದೆ.ಇಷ್ಟೇ ಅಲ್ಲದೆ "1917" ತ್ಯುತ್ತಮ ನಿರ್ದೇಶಕ ಪ್ರಶಸ್ತಿಯನ್ನು ಗೆದ್ದಿದೆ. ನಿರ್ದೇಶಕ ಸ್ಯಾಮ್ ಮೆಂಡಿಸ್ ಈ ಅದ್ಭುತ ಪ್ರಶಸ್ತಿ ಲಭಿಸಿದ್ದಕ್ಕೆ ಹರ್ಷಚಿತ್ತರಾಗಿದ್ದಾರೆ.
ಲಾಸ್ ಎಂಜಲೀಸ್ ನ ಬೆವರ್ಲಿ ಹಿಲ್ಸ್ ನಲ್ಲಿ ನಡೆದ ಸಮಾರಂಭದಲ್ಲಿ ಪ್ರಶಸ್ತಿ ಪ್ರಧಾನ ನೆರವೇರಿದೆ.
'ಜೋಕರ್' ಚಿತ್ರಕ್ಕಾಗಿ ಜೊವಾಕ್ವಿನ್ ಫೀನಿಕ್ಸ್ ಅತ್ಯುತ್ತಮ ನಟಪ್ರಶಸ್ತಿ ಗಳಿಸಿದ್ದರೆ ಆಕ್ವಾಫಿನಾ, ಅತ್ಯುತ್ತಮ ನಟಿಯಾಗಿ ಹೊರಹೊಮ್ಮಿದ್ದಾರೆ.ಒನ್ಸ್ ಅಪಾನ್ ಎ ಟೈಮ್ ಇನ್ ಹಾಲಿವುಡ್ ಚಿತ್ರದಲ್ಲಿನ ಅಭಿನಯಕ್ಕಾಗಿ ಬ್ರಾಡ್ ಪಿಟ್ಅತ್ಯುತ್ತಮ ಪೋಷಕ ನಟರಾಗಿ ಪ್ರಶಸ್ತಿ ಗಳಿಸಿಕೊಂಡರು.