ಕೊರೋನಾ ಅಧಿಕೇಂದ್ರಗಳಿಗೆ ವಿಧಿಸಲಾಗಿದ್ದ ನಿರ್ಬಂಧ ತೆರವುಗೊಳಿಸಲಿರುವ ಚೀನಾ 

ಕೊರೋನಾ ವೈರಸ್ ಸೋಂಕು ಪ್ರಾರಂಭವಾಗಿದ ಹುಬೇ ಪ್ರಾಂತ್ಯದಲ್ಲಿ ವಿಧಿಸಲಾಗಿದ್ದ ಸಂಚಾರ ನಿರ್ಬಂಧವನ್ನು ಹಿಂಪಡೆಯುವುದಾಗಿ ಚೀನಾ ಹೇಳಿದೆ. 

ಸುಮಾರು 3 ತಿಂಗಳ ನಂತರ ಹುಬೇ ಪ್ರಾಂತ್ಯದ ರಾಜಧಾನಿ ನಗರ ವುಹಾನ್ ನಲ್ಲಿ ವಿಧಿಸಲಾಗಿದ್ದ ನಿರ್ಬಂಧವನ್ನು ತೆರವುಗೊಳಿಸುವುದಾಗಿ ಹೇಳಿದೆ. ಸುಮಾರು 11 ಮಿಲಿಯನ್ ಜನಸಂಖ್ಯೆ ಇರುವ ವುಹಾನ್ ನಲ್ಲಿ 2019 ರ ಡಿಸೆಂಬರ್ ನಲ್ಲಿ ಕೊರೋನಾ ಪತ್ತೆಯಾಗಿತ್ತು. ಸತತ 5 ದಿನಗಳಿಂದ ಈ ಪ್ರಾಂತ್ಯದಲ್ಲಿ ಯಾವುದೇ ಹೊಸ ಪ್ರಕರಣಗಳೂ ದಾಖಲಾಗಿರಲಿಲ್ಲ. ಆದರೆ ಮಾ.23 ರಂದು ಒಂದು ಪ್ರಕರಣ ದಾಖಲಾಗಿದೆ.

ಹುಬೆ ಪ್ರಾಂತ್ಯದಲ್ಲಿರುವ ಜನತೆ ಗ್ರೀನ್ ಹೆಲ್ತ್ ಕೋಡ್ ನೊಂದಿಗೆ ಎಂದಿನಂತೆ ಚೀನಾದ ಇತರ ಭಾಗಗಳಿಗೆ ಪ್ರಯಾಣಿಸಬಹುದಾಗಿದೆ.