ಲಂಡನ್: ಬ್ರಿಟಿಷ್ ಪ್ರಧಾನಿ ಬೋರಿಸ್ ಜಾನ್ಸನ್  ದಂಪತಿ ಎರಡನೇ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಬೋರಿಸ್ ಜಾನ್ಸನ್ ಪತ್ನಿ ಕ್ಯಾರ್ರಿ(35) ಇನ್ಸ್ಟಾಗ್ರಾಮ್ ನಲ್ಲಿ ಈ ವಿಷಯವನ್ನು ಹಂಚಿಕೊಂಡಿದ್ದಾರೆ. ಈ ಕ್ರಿಸ್ಮಸ್ ಗೆ ರೇನ್ ಬೋ ಬೇಬಿ (ಮಳೆ ಬಿಲ್ಲು ಮಗು) ನಿರೀಕ್ಷೆಯಲ್ಲಿರುವುದಾಗಿ ಅವರು ಹೇಳಿಕೊಂಡಿದ್ದಾರೆ.

ಮತ್ತೆ ಗರ್ಭಿಣಿಯಾಗಲು ಆಶೀರ್ವಾದ ಅನ್ನಿಸುತ್ತಿದೆ, ಮತ್ತೆ ಭೀತಿ ಕೂಡಾ ಇರುವುದಾಗಿ ಅವರು ಬರೆದುಕೊಂಡಿದ್ದಾರೆ. 2020ರಲ್ಲಿ ಮಗ ವಿಲ್ಫ್ರೆಡ್ ಗೆ ಕ್ಯಾರ್ರಿ  ಜನ್ಮ ನೀಡಿದ್ದರು. ನವಜಾತ ಮಗು ಮೃತಪಟ್ಟ ಬಳಿಕ ಹುಟ್ಟುವ ಮಗುವಿಗೆ 'ಮಳೆ ಬಿಲ್ಲು ಮಗು ಎಂದು ಕರೆಯಲಾಗುತ್ತದೆ.

ವರ್ಷದ ಆರಂಭದಲ್ಲಿ, ನನಗೆ ಗರ್ಭಪಾತವಾಯಿತು, ಅದು ನನ್ನ ಹೃದಯವನ್ನು ಮುರಿದಿತ್ತು. ನಾನು ಮತ್ತೆ ಗರ್ಭಿಣಿಯಾಗಲು ನಂಬಲಾಗದಷ್ಟು ಆಶೀರ್ವಾದ ಅಂದುಕೊಳ್ಳುತ್ತೇನೆ. ಆದರೆ, ಭೀತಿಯೂ ಕೂಡಾ ಸಾಕಷ್ಟಿದೆ ಎಂದಿದ್ದಾರೆ.

ಗರ್ಭಪಾತ ಸಮಸ್ಯೆ ಅನೇಕ ಜನರಿಗೆ ನಿಜವಾಗಿಯೂ ಕಷ್ಟವಾಗಬಹುದು, ವಿಶೇಷವಾಗಿ ಇನ್ಸ್ಟಾಗ್ರಾಮ್ ನಂತಹ ವೇದಿಕೆಗಳಲ್ಲಿ ಎಲ್ಲವೂ ಎಂದೆಂದಿಗೂ ಚೆನ್ನಾಗಿ ನಡೆಯುತ್ತಿರುವಂತೆ ಕಾಣಿಸಬಹುದು. ನಷ್ಟವನ್ನು ಅನುಭವಿಸಿದ್ದವರಿಂದ ಕೇಳಿದಾಗ ನಿಜಕ್ಕೂ ಸಾಂತ್ವನ ಸಿಕ್ಕಿತ್ತು. ಹಾಗಾಗಿ ಕೆಲವು ಸಣ್ಣ ರೀತಿಯಲ್ಲಿ ಹಂಚಿಕೊಳ್ಳುವುದರಿಂದ ಇತರರಿಗೂ ಸಹಾಯವಾಗಬಹುದು ಎಂದು ನಾನು ಭಾವಿಸುತ್ತೇನೆ ಎಂದು ಅವರು ಬರೆದುಕೊಂಡಿದ್ದಾರೆ. ಇದೇ ವರ್ಷದ ಮೇ ತಿಂಗಳಲ್ಲಿ ಬೋರಿಸ್ ಮತ್ತು ಕ್ಯಾರ್ರಿ ವಿವಾಹವಾಗಿದ್ದರು.