ಸೋನಿಯಾ ಗಾಂಧಿ ಮನೆ ಖರೀದಿಸಿದ ಸಿಖ್ ಉದ್ಯಮಿ online desk
ವಿದೇಶ

ಇಟಲಿ: ಸೋನಿಯಾ ಗಾಂಧಿ ಬಾಲ್ಯದ ಮನೆ ಖರೀದಿಸಿದ ಸಿಖ್ ಉದ್ಯಮಿ; ಗುರುದ್ವಾರವಾಗಿ ಪರಿವರ್ತನೆ ಆಗಲಿದೆಯೇ ಕಾಂಗ್ರೆಸ್ ನಾಯಕಿಯ ಮನೆ?

ಅವರು 6 ವರ್ಷಗಳ ಹಿಂದೆ ಈ ಆಸ್ತಿಯನ್ನು ಖರೀದಿಸಿದ್ದರು. ವಸ್ತುಸಂಗ್ರಹಾಲಯದಲ್ಲಿ ಪ್ರದರ್ಶಿಸಬಹುದಾದ ವಸ್ತುಗಳನ್ನು ಪಡೆಯಲು ಗಾಂಧಿ ಕುಟುಂಬವನ್ನು ಭೇಟಿಯಾಗಲು ತಾವು ಉತ್ಸುಕರಾಗಿರುವುದಾಗಿ ಅವರು ತಿಳಿಸಿದ್ದಾರೆ.

ಇಟಲಿಯಲ್ಲಿರುವ ಕಾಂಗ್ರೆಸ್ ನಾಯಕಿ ಸೋನಿಯಾ ಗಾಂಧಿ ಅವರ ಬಾಲ್ಯದ ಮನೆಯನ್ನು ವಸ್ತುಸಂಗ್ರಹಾಲಯವನ್ನಾಗಿ ಪರಿವರ್ತಿಸುವ ಸಾಧ್ಯತೆಯಿದೆ. ಈ ಯೋಜನೆಯ ಹಿಂದಿರುವವರು ಇಟಲಿಯಲ್ಲಿ ನೆಲೆಸಿರುವ ಸಿಖ್ ಉದ್ಯಮಿ ಸುಖದೇವ್ ಸಿಂಗ್ ಕಾಂಗ್.

ಅವರು 6 ವರ್ಷಗಳ ಹಿಂದೆ ಈ ಆಸ್ತಿಯನ್ನು ಖರೀದಿಸಿದ್ದರು. ವಸ್ತುಸಂಗ್ರಹಾಲಯದಲ್ಲಿ ಪ್ರದರ್ಶಿಸಬಹುದಾದ ವಸ್ತುಗಳನ್ನು ಪಡೆಯಲು ಗಾಂಧಿ ಕುಟುಂಬವನ್ನು ಭೇಟಿಯಾಗಲು ತಾವು ಉತ್ಸುಕರಾಗಿರುವುದಾಗಿ ಅವರು ತಿಳಿಸಿದ್ದಾರೆ.

"ಇದನ್ನು 'ಇಂಡಿಯನ್ ಹೌಸ್' (ಭಾರತೀಯ ಮನೆ) ಎಂದು ಕರೆಯಲಾಗುತ್ತದೆ ಮತ್ತು ಇಲ್ಲಿ ತ್ರಿವರ್ಣ ಧ್ವಜವಿದೆ. ಮನೆಯ ಹೊರಗಿರುವ ನಾಮಫಲಕದಲ್ಲಿ ಇದನ್ನು 'ಸೋನಿಯಾ ಗಾಂಧಿ ಅವರ ಜನ್ಮಸ್ಥಳ' ಎಂದು ನಮೂದಿಸಲಾಗಿದೆ," ಎಂದು ಕಾಂಗ್ ಪಿಟಿಐ (PTI) ಸುದ್ದಿಸಂಸ್ಥೆಗೆ ದೂರವಾಣಿ ಮೂಲಕ ತಿಳಿಸಿದರು.

ಇಟಲಿಯ ವಿಚೆಂಜಾ ಪ್ರಾಂತ್ಯದ ಲುಸಿಯಾನಾದಲ್ಲಿರುವ, ಬೂದು ಬಣ್ಣದ ಕಲ್ಲು ಮತ್ತು ಕಾಂಕ್ರೀಟ್‌ನಿಂದ ನಿರ್ಮಿತವಾದ ಈ ಆರು ಕೊಠಡಿಗಳ ಮನೆಯು, ಬ್ರೆಸ್ಸಿಯಾದಲ್ಲಿರುವ ಅವರ ನಿವಾಸದಿಂದ ಸುಮಾರು ಒಂದು ಗಂಟೆಯ ಪ್ರಯಾಣದ ದೂರದಲ್ಲಿದೆ. 1946ರ ಡಿಸೆಂಬರ್ 9ರಂದು ಸೋನಿಯಾ ಗಾಂಧಿ ಇಲ್ಲಿಯೇ ಜನಿಸಿದರು ಮತ್ತು ತಮ್ಮ ಬಾಲ್ಯದ ಆರಂಭಿಕ ವರ್ಷಗಳನ್ನು ಇಲ್ಲಿಯೇ ಕಳೆದರು ಎಂದು 52 ವರ್ಷ ವಯಸ್ಸಿನ ಕಾಂಗ್ ವಿವರಿಸಿದರು.

ಪ್ರಸ್ತುತ ಅಮೃತಸರಕ್ಕೆ ಭೇಟಿ ನೀಡಿರುವ ಕಾಂಗ್, 1992ರಲ್ಲಿ ಹೋಶಿಯಾರ್‌ಪುರದ ಒಂದು ಹಳ್ಳಿಯಿಂದ ಇಟಲಿಗೆ ತೆರಳಿ ಅಲ್ಲಿಯೇ ನೆಲೆಸಿದ್ದಾರೆ. ಅಲ್ಲಿ ನೆಲೆ ಕಂಡುಕೊಳ್ಳುವುದು ಸುಲಭದ ಮಾತಾಗಿರಲಿಲ್ಲ. "ಆರಂಭದಲ್ಲಿ ನಾನು ಡೈರಿ ಫಾರ್ಮ್, ಕೃಷಿ ಕ್ಷೇತ್ರ ಮತ್ತು ಕಾರ್ಖಾನೆಯೊಂದರಲ್ಲಿ ಕೆಲಸ ಮಾಡಿದೆ..." ಎಂದು ಅವರು ಹೇಳಿದರು.

"2020ರಲ್ಲಿ, ನಾನು ಈ ಮನೆಯನ್ನು ನನ್ನ ಪತ್ನಿ ಮತ್ತು ಮಗಳ ಹೆಸರಿನಲ್ಲಿ ಖರೀದಿಸಿದೆ. ಮನೆಯ ಉಸ್ತುವಾರಿ ನೋಡಿಕೊಳ್ಳಲು ಒಬ್ಬ ವ್ಯಕ್ತಿಯನ್ನು ನೇಮಿಸಲಾಗಿದೆ. ಯಾವುದೇ ಪ್ರವಾಸಿಗರು ಈ ಮನೆಯನ್ನು ನೋಡಲು ಬಯಸಿದರೆ, ಆ ಉಸ್ತುವಾರಿದಾರರು ಅವರಿಗೆ ಅವಕಾಶ ಕಲ್ಪಿಸಿಕೊಡುತ್ತಾರೆ," ಎಂದು ಅವರು ತಿಳಿಸಿದರು.

ಕಾಂಗ್ ಅವರು ಆಸ್ತಿ ತೆರಿಗೆ ಸೇರಿದಂತೆ ಈ ಆಸ್ತಿಯ ನಿರ್ವಹಣೆಗಾಗಿ ವಾರ್ಷಿಕವಾಗಿ ಸುಮಾರು 1,000 ಯುರೋಗಳನ್ನು ಖರ್ಚು ಮಾಡುತ್ತಾರೆ. ತಮ್ಮ ಕುಟುಂಬವು ಗಾಂಧಿ ಕುಟುಂಬದ ಅಭಿಮಾನಿಗಳಾಗಿದ್ದು, ಪ್ರತಿ ವರ್ಷ ಸೋನಿಯಾ ಗಾಂಧಿ ಅವರ ಜನ್ಮದಿನದಂದು ದೊಡ್ಡ ಸಾರ್ವಜನಿಕ ಕಾರ್ಯಕ್ರಮವನ್ನು ಆಯೋಜಿಸಿ ಆಚರಿಸುವುದಾಗಿ ಅವರು ಹೇಳಿದರು.

ಈ ಮನೆಯನ್ನು ತಾವು ಹೇಗೆ ಖರೀದಿಸಿದೆ ಎಂಬುದನ್ನು ವಿವರಿಸಿರುವ, ಕಾಂಗ್, "ಇಟಲಿಯಲ್ಲಿರುವ ನನ್ನ ಪರಿಚಯಸ್ಥರ ಮೂಲಕ, ಈ ಮನೆಯು ಒಬ್ಬ ಭಾರತೀಯನಿಗೆ, ಅದರಲ್ಲೂ ವಿಶೇಷವಾಗಿ ಸಿಖ್ ಕುಟುಂಬವೊಂದಕ್ಕೆ ಸಿಗಲಿ ಎಂಬ ಆಶಯವಿತ್ತು ಎಂಬ ವಿಷಯ ನನಗೆ ತಿಳಿಯಿತು," ಎಂದು ಉದ್ಯಮಿ ಹೇಳಿದರು.

ಅಂದಿನಿಂದ ಅವರು ಈ ಮನೆಯನ್ನು ಇದ್ದ ಸ್ಥಿತಿಯಲ್ಲೇ ಉಳಿಸಿಕೊಂಡಿದ್ದಾರೆ. ಭವಿಷ್ಯದಲ್ಲಿ ಇದನ್ನು ವಸ್ತುಸಂಗ್ರಹಾಲಯವನ್ನಾಗಿ ಅಭಿವೃದ್ಧಿಪಡಿಸುವ ಆಶಯ ಅವರಲ್ಲಿದೆ. ಹೀಗಾದಲ್ಲಿ, ಇಟಲಿಗೆ ಭೇಟಿ ನೀಡುವ ಭಾರತೀಯರಿಗೆ ಇದೊಂದು ಹೆಚ್ಚುವರಿ ಪ್ರವಾಸಿ ತಾಣವಾಗಲಿದೆ.

ಈ ವಸ್ತುಸಂಗ್ರಹಾಲಯ ಸಂಪೂರ್ಣವಾಗಿ ಅಭಿವೃದ್ಧಿಗೊಂಡ ನಂತರ ನೂರಾರು ಪ್ರವಾಸಿಗರನ್ನು ಆಕರ್ಷಿಸುತ್ತದೆ ಮತ್ತು ಸ್ಥಳೀಯ ಹಳ್ಳಿಯ ಆರ್ಥಿಕತೆಗೆ ಕೊಡುಗೆ ನೀಡುತ್ತದೆ ಎಂದು ಕಾಂಗ್ ವಿಶ್ವಾಸ ವ್ಯಕ್ತಪಡಿಸಿದರು. ಅವರ ಪತ್ನಿ ಮತ್ತು ಮಗಳು ಕೂಡ ಈ ಯೋಜನೆಗೆ ಬೆಂಬಲ ನೀಡಿದ್ದಾರೆ. "ಈ ಆಸ್ತಿಯನ್ನು ಬಾಡಿಗೆಗೆ ನೀಡುವ ಅಥವಾ ಅದನ್ನು ಗುರುದ್ವಾರವನ್ನಾಗಿ ಪರಿವರ್ತಿಸುವ ಪ್ರಸ್ತಾಪಗಳನ್ನು ನನ್ನ ಕುಟುಂಬವು ಈ ಹಿಂದೆ ತಿರಸ್ಕರಿಸಿತ್ತು. ಏಕೆಂದರೆ, ಸೋನಿಯಾ ಗಾಂಧಿ ಮತ್ತು ಮೈನೋ ಕುಟುಂಬದೊಂದಿಗೆ ಈ ಆಸ್ತಿ ಹೊಂದಿರುವ ಐತಿಹಾಸಿಕ ನಂಟನ್ನು ಉಳಿಸಿಕೊಳ್ಳಲು ನಾವು ಬಯಸಿದ್ದೆವು," ಎಂದು ಕಾಂಗ್ ಹೇಳಿದರು.

ಈ ಆಸ್ತಿಯನ್ನು ಆದಷ್ಟು ಬೇಗ ಅತ್ಯಾಧುನಿಕ ವಸ್ತುಸಂಗ್ರಹಾಲಯವನ್ನಾಗಿ ಅಭಿವೃದ್ಧಿಪಡಿಸಲು ತಾವು ಬಯಸುತ್ತಿರುವುದಾಗಿಯೂ, ಆದರೆ ಕುಟುಂಬಕ್ಕೆ ಸಂಬಂಧಿಸಿದ ಮಾಹಿತಿಯ ಕೊರತೆಯು ಈ ಯೋಜನೆಗೆ ಅಡ್ಡಿಯಾಗುತ್ತಿದೆ ಎಂದೂ ಅವರು ತಿಳಿಸಿದರು. ಮುಂದಿನ ಹಂತವಾಗಿ, ಸೋನಿಯಾ ಗಾಂಧಿ ಹಾಗೂ ಅವರ ಮಕ್ಕಳಾದ ರಾಹುಲ್ ಮತ್ತು ಪ್ರಿಯಾಂಕಾ ಅವರನ್ನು ಭೇಟಿಯಾಗಲು ಉದ್ದೇಶಿಸಲಾಗಿದೆ. ಪ್ರಸ್ತಾವಿತ ವಸ್ತುಸಂಗ್ರಹಾಲಯದಲ್ಲಿ ಯಾವ ರೀತಿಯ ವೈಯಕ್ತಿಕ ವಸ್ತುಗಳು, ಛಾಯಾಚಿತ್ರಗಳು, ದಾಖಲೆಗಳು ಮತ್ತು ಇತರ ಸ್ಮರಣೀಯ ವಸ್ತುಗಳನ್ನು ಪ್ರದರ್ಶಿಸಬಹುದು ಎಂಬುದನ್ನು ತಿಳಿದುಕೊಳ್ಳುವುದು ಇದರ ಉದ್ದೇಶವಾಗಿದೆ.

"ವಸ್ತುಸಂಗ್ರಹಾಲಯಕ್ಕಾಗಿ ನಮಗೆ ಅನೇಕ ವಸ್ತುಗಳ ಅಗತ್ಯವಿದೆ; ಅವು ಸಿಕ್ಕಿದ ನಂತರ, ನಾವು ಅವುಗಳನ್ನು ಅಲ್ಲಿ ಪ್ರದರ್ಶಿಸುತ್ತೇವೆ," ಎಂದು ಅವರು ಹೇಳಿದರು.

ಸೋನಿಯಾ ಗಾಂಧಿ ಅವರ ಆತ್ಮಚರಿತ್ರೆ 'ಬಿಲಾಂಗ್: ಎ ಜರ್ನಿ ಆಫ್ ಲವ್' (Belong: A Journey of Love) ಬಿಡುಗಡೆಯಾದ ನಂತರ, ಇಟಲಿಯಲ್ಲಿ ಕಳೆದ ಅವರ ಬಾಲ್ಯದ ದಿನಗಳು ಸೇರಿದಂತೆ, ಅವರ ಜೀವನ ಕಥೆಯ ಬಗ್ಗೆ ಆಸಕ್ತಿ ಮತ್ತೆ ಚಿಗುರೊಡೆದಿದೆ. ಈ ಪುಸ್ತಕವನ್ನು ಓದಲು ಕಾಂಗ್ ಎದುರು ನೋಡುತ್ತಿದ್ದಾರೆ.

"ಕೆಲವು ವರ್ಷಗಳ ಹಿಂದೆ, ಪಂಜಾಬ್‌ನಲ್ಲಿದ್ದ ನನ್ನ ಸ್ನೇಹಿತರು, 'ನೀವು ಸೋನಿಯಾ ಗಾಂಧಿ ಅವರ ಮನೆಯನ್ನು ನೋಡಿದ್ದೀರಾ?' ಎಂದು ಕೇಳಿದ್ದರು... ಒಂದು ಕಾಲದಲ್ಲಿ, ತಾನು ಮದುವೆಯಾಗಲಿರುವ ಕುಟುಂಬದ ಅತ್ತೆ ದೇಶದ ಪ್ರಧಾನ ಮಂತ್ರಿಯಾಗಿರುತ್ತಾರೆ ಎಂಬುದು ಸೋನಿಯಾ ಗಾಂಧಿ ಅವರಿಗೆ ತಿಳಿದಿತ್ತೇ? ಅದೇ ರೀತಿ, ಕೆಲವೇ ವರ್ಷಗಳ ಹಿಂದೆ, ಅವರ ಪೂರ್ವಜರ ಮನೆಯ ಕೀಲಿ ಕೈಗಳು ಒಂದು ದಿನ ನನ್ನ ಕೈಯಲ್ಲಿರುತ್ತವೆ ಎಂದು ನಾನು ಊಹಿಸಲು ಸಾಧ್ಯವಿತ್ತೇ?" ಎಂದು ಕಾಂಗ್ ಪ್ರಶ್ನಿಸಿದರು.

Follow KannadaPrabha channel on WhatsApp

  

Subscribe to KannadaPrabha YouTube Channel and watch Videos

   

Download the KannadaPrabha News app to follow the latest news updates

  

Subscribe and Receive exclusive content and updates on your favorite topics

ದೇಶದ ಅತಿ ಉದ್ದದ ನದಿ ಸೇತುವೆ, ಆರು ಪಥದ 'ನಿತೀಶ್​​ ಸೇತು' ಉದ್ಘಾಟಿಸಿದ ಪ್ರಧಾನಿ ಮೋದಿ

CM ರಾಜಕೀಯ ಕಾರ್ಯದರ್ಶಿ ಹುದ್ದೆ ಬೇಡ; ಅದು ನನ್ನ ಹಿರಿತನಕ್ಕೆ ತಕ್ಕುದಲ್ಲ: ತನ್ವೀರ್ ಸೇಠ್ ಆಕ್ರೋಶ

ಬೈಕ್ ಟ್ಯಾಕ್ಸಿಗೆ ಸುಪ್ರೀಂ ಗ್ರೀನ್ ಸಿಗ್ನಲ್: ಕಠಿಣ ನಿಯಮ ಜಾರಿಗೆ ಸರ್ಕಾರ ಸಿದ್ಧತೆ; ಯೆಲ್ಲೋ ಬೋರ್ಡ್, ವಿಮೆ, GPS ಕಡ್ಡಾಯ?

‘50% Owner Of Maruti’: ಸೋನಿಯಾ ಗಾಂಧಿಯೇ 'ಮಾರುತಿ ಕಂಪನಿಯ ನಿಜವಾದ ಮಾಲೀಕರು'; ಬಿಜೆಪಿ ಸಂಸದ ನಿಶಿಕಾಂತ್ ದುಬೆ ಆರೋಪಗಳ ಸುರಿಮಳೆ! Video

ನಿಲ್ಲಿಸಿದ್ದ ರೈಲಿನಲ್ಲಿ ಮಹಿಳೆ ಮೇಲೆ ಅತ್ಯಾಚಾರ ಎಸಗಿ ಕೊಲೆ; ಗೋಲ್ಡ್ ರಿಂಗ್ ಕ್ಲೂ; ಪೊಲೀಸರು ಪ್ರಕರಣ ಭೇದಿಸಿದ್ದೆ ರೋಚಕ!