ಸ್ಪೀಡ್‍ಗವರ್ನರ್: ರಾಜ್ಯಗಳಿಗೆ ಸುಪ್ರೀಂ ನೋಟಿಸ್

ನವದೆಹಲಿ: ನಾಲ್ಕು ಚಕ್ರಗಳ ಕೆಲವು ಪ್ರಯಾಣಿಕರ ಮತ್ತು ಸರಕು ಸಾಗಣೆ ವಾಹನಗಳಿಗೆ ಸ್ಪೀಡ್‍ಗವರ್ನರ್‍ನಿಂದ ವಿನಾಯ್ತಿ ನೀಡುವ ಸರ್ಕಾರಗಳ ನಿರ್ಧಾರ ಪ್ರಶ್ನಿಸಿ ಸಲ್ಲಿಸಿದ್ದ ಅರ್ಜಿಗೆ ಸಂಬಂಧಿಸಿ ಸುಪ್ರೀಂ ಕೋರ್ಟ್ ಶುಕ್ರವಾರ ಕೇಂದ್ರ, ರಾಜ್ಯ ಹಾಗೂ ಕೇಂದ್ರಾಡಳಿತ ಪ್ರದೇಶಗಳಿಂದ ಪ್ರತಿಕ್ರಿಯೆ ಕೇಳಿದೆ. 

ಗರಿಷ್ಠ ಎಂಟು ಪ್ರಯಾಣಿಕರನ್ನು ಗರಿಷ್ಠ ಎಂಟು ಪ್ರಯಾಣಿಕರನ್ನು ಹೊತ್ತೊಯ್ಯಬಲ್ಲ ಹಾಗೂ 3.5 ಟನ್ ಸರಂಜಾಮು ಸಾಗಿಸಬಲ್ಲ ನಾಲ್ಕು ಚಕ್ರಗಳ ವಾಹನಕ್ಕೆ ಸ್ಪೀಡ್ ಗವರ್ನರ್ ನಿಂತ  ವಿನಾಯ್ತಿ ನೀಡಲಾಗಿದೆ. ಮೋಟಾರು ವಾಹನ ಕಾಯ್ದೆ 118ನೇ ನಿಯಮಾನುಸಾರು ಈ ವಿನಾಯ್ತಿ ನೀಡಲಾಗಿದೆ. 

ಈ ಸಂಬಂಧ ಸರ್ಕಾರ ಏ.15ರಂದು ಅಧಿಸೂಚನೆ ಹೊರಡಿಸಿತ್ತು. ಸರ್ಕಾರದ ಈ ನಿರ್ಧಾರದಿಂದ ರಸ್ತೆ ಅಪಘಾತಗಳು ಹೆಚ್ಚಾಗಲಿದೆ ಎಂದು ಎನ್ ಜಿಒ ಸುರಕ್ಷಾ ಫೌಂಡೇಷನ್ ಸಲ್ಲಿಸಿದ ಅರ್ಜಿ ವಿಚಾರಣೆ ನಡೆಸಿದ ನ್ಯಾ.ರಂಜನ್ ಗೊಗಾಯ್ ಮತ್ತು ನ್ಯಾ.ಎನ್ ವಿ ರಾಮಣ್ಣ ಅವರಿಂದ ಪೀಠ, ಆರು ವಾರಗಳೊಳಗೆ ಉತ್ತರ ನೀಡುವಂತೆ ಸರ್ಕಾರಗಳಿಗೆ ಸೂಚಿಸಿದೆ.