ನವದೆಹಲಿ: ಮುಂದಿನ ಮೂರು ವರ್ಷಗಳಲ್ಲಿ ದೇಶದಲ್ಲಿ 4ಜಿ ಗ್ರಾಹಕರ ಸಂಖ್ಯೆ 9 ಕೋಟಿಗೆ ಮತ್ತು 4ಜಿ ಸ್ಮಾರ್ಟ್ ಫೋನ್ ಗಳ ಸಂಖ್ಯೆ 18 ಕೋಟಿಗೆ ಹೆಚ್ಚುವ ಅಂದಾಜಿದೆ ಎಂದು ಬ್ಯಾಂಕ್ ಆಫ್ ಅಮೆರಿಕ ಮೆರಿಲ್ ಲಿಂಚ್ ಹೇಳಿದೆ.
ರಿಲಯನ್ಸ್ ಜಿಯೋ 4ಜಿ ಸೇವೆ ಆರಂಭಿಸುವುದನ್ನು ವಿಳಂಬಗೊಳಿಸಿದರೆ ಏರ್‍ಟೆಲ್, ವೊಡಾ ಫೋನ್ ಮತ್ತು ಐಡಿಯಾ ಸೆಲ್ಯೂಲರ್ ಕಂಪನಿಗಳು ಇದರ ಲಾಭ ಪಡೆಯಲಿವೆ ಎಂದು
ಹೇಳಿದೆ. ಮುಂದಿನ ಕೆಲವು ವರ್ಷಗಳಲ್ಲಿ 3ಜಿ ಮತ್ತು 4ಜಿ ದರಗಳ ನಡುವೆ ಸ್ವಲ್ಪ ಮಾತ್ರ ವ್ಯತ್ಯಾಸ ಇರಲಿದೆ.
ಇದೇ ಸಂದರ್ಭದಲ್ಲಿ ಸ್ಮಾರ್ಟ್ ಫೋನ್‍ಗಳ ದರಗಳು ಗಣನೀಯ ಇಳಿಮುಖ ಕಾಣಲಿದ್ದು 2ಜಿ ಗ್ರಾಹಕರು 4ಜಿಗೆ ವರ್ಗವಾಗಲಿದ್ದಾರೆ ಎಂದಿದೆ. 2019ರ ವೇಳೆಗೆ 4ಜಿಗೆ ಸೇರ್ಪಡೆಯಾಗುವವರ ಸಂಖ್ಯೆ 3ಜಿಗಿಂತಲೂ ಹೆಚ್ಚಾಗಿರಲಿದೆ ಎಂಬ ಅಂದಾಜುಗಳನ್ನು ವರದಿ ವ್ಯಕ್ತಪಡಿಸಿದೆ.
