ಬಿಎಸ್ ಎನ್ ಎಲ್ ಗ್ರಾಹಕರಿಗೆ ಬಂಪರ್ ಆಫರ್, ಕೇವಲ 249 ರು. ಅನಿಯಮಿತ ಡಾಟಾ!

ನವದೆಹಲಿ: ಅಗ್ಗದ ಡಾಟಾ ಪ್ಲಾನ್ ಘೋಷಿಸಿದ್ದ ರಿಲಯನ್ಸ್ ಜಿಯೋಗೆ ಸಮನಾದ ಪೈಪೋಟಿ ನೀಡುತ್ತೇವೆ ಎಂದು ಘೋಷಿಸಿದ್ದ ಸರ್ಕಾರಿ ಸ್ವಾಮ್ಯದ ಬಿಎಸ್ ಎನ್ ಎಲ್ ಅದಕ್ಕೆ ತಕ್ಕಂತೆ  ಅತ್ಯಂತ ಅಗ್ಗದ ಪ್ಲಾನ್ ಗಳನ್ನು ಘೋಷಣೆ ಮಾಡುತ್ತಿದೆ.

ಈ ಹಿಂದೆ ಬಿಬಿಜಿ ಕಾಂಬೋ ಪ್ಲಾನ್  ನಲ್ಲಿ 1, 199 ರುಗೆ ಅನಿಯಮಿತ ಎಸ್ ಟಿಡಿ ಹಾಗೂ ಲೋಕಲ್ ಉಚಿತ ಕರೆಗಳ ಆಫರ್ ನೀಡಿದ್ದ ಬಿಎಸ್ ಎನ್ ಎಲ್ ಇದೀಗ ಹೊಸ ಗ್ರಾಹಕರ ಸೆಳೆಯಲು  ಮತ್ತೊಂದು ವಿಶೇಷ ಆಫರ್ ಘೋಷಣೆ ಮಾಡಿದೆ. ಬಿಬಿ249 ಹೆಸರಿನ ಪ್ಲಾನ್ ಘೋಷಣೆ ಮಾಡಲಾಗಿದ್ದು, ಅದರಂತೆ ಬಿಎಸ್ ಎನ್ ಎಲ್ ಬ್ರಾಡ್ ಬ್ಯಾಂಡ್ ಕನೆಕ್ಷನ್ ಪಡೆಯುವ ಹೊಸ ಗ್ರಾಹಕರು  ಕೇವಲ 249ರು.ಗೆ ಅನಿಯಮಿತ ಡಾಟಾ ಪಡೆಯಬಹುದಾಗಿದೆ.

ಈ ಆಫರ್ 9-09-2016ರಿಂದ ಜಾರಿಯಾಗಿದ್ದು ಈ ದಿನಾಂಕದ ಬಳಿಕ ಕನೆಕ್ಷನ್ ಪಡೆದ ಎಲ್ಲ ಹೊಸ ಗ್ರಾಹಕರು ಈ ಪ್ಲಾನ್ ಪಡೆಯಲು ಅರ್ಹರಾಗಿರುತ್ತಾರೆ ಎಂದು ಬಿಎಸ್ ಎನ್ ಎಲ್ ಹೇಳಿದೆ.