ಮುಂಬಯಿ: ಮುಖೇಶ್ ಅಂಬಾನಿ ಅವರು ರಿಲಾಯನ್ಸ್ ಜಿಯೋ ಧನ್ ಧನಾ ಧನ್ ಆಫರ್ ನೀಡಿದ ನಂತರ ವೋಡಾಫೋನ್ ಭಾರತದಲ್ಲಿ ಹೊಸ ಆಫರ್ ನೀಡಲು ಮುಂದಾಗಿದೆ.
ರಿಲಾಯನ್ಸ್ ಜಿಯೋ ಆಕರ್ಷಕ ಡಾಟಾ ಕೊಡುಗೆಗಳು ಇತರ ಕಂಪೆನಿಗಳ ಮೇಲೆ ಭಾರೀ ಪರಿಣಾಮ ಬೀರಿದ್ದು ವೊಡಾಫೋನ್ ಕೂಡ ತನ್ನ ಹೊಸ ಬಳಕೆದಾರರಿಗೆ ಆಕರ್ಷಕ ಕೊಡುಗೆಗಳನ್ನು ಪ್ರಕಟಿಸಿದೆ.
ವೊಡಾಫೋನ್ ತನ್ನ ಹೊಸ ಗ್ರಾಹಕರಿಗಾಗಿ 244 ರೂಪಾಯಿ ರಿಚಾರ್ಜ್‌ ಮಾಡುವ ಮೂಲಕ 70 ದಿನಕ್ಕೆ 70 ಜಿಬಿ 4 ಜಿ ಉಚಿತ ಡಾಟಾ, ಅನ್‌ಲಿಮಿಟೆಡ್‌ ವಾಯ್ಸ್ ಕರೆಗಳನ್ನು ಮಾಡಬಹುದಾಗಿದೆ.
ಆಫ‌ರ್‌ನಲ್ಲಿ ಹೊಸಗ್ರಾಹಕರಿಗೆ 2 ನೇ ಬಾರಿ ರಿಚಾರ್ಜ್‌ನಲ್ಲೂ ಅನಿಮಿಯತ ಕರೆಗಳು ಮತ್ತು ದಿನಕ್ಕೊಂದು ಜಿಬಿ ಡಾಟಾ ನೀಡಿದ್ದು, ಆದರೆ ವ್ಯಾಲಿಡಿಟಿ 35 ದಿನಗಳಾಗಿರುತ್ತದೆ.
ಮತ್ತೊಂದು ರು. 346 ರೀಚಾರ್ಜ್ ಆಫರ್ ನೀಡಿದ್ದು, ಪ್ರತಿದಿನ 1ಜಿಬಿ ಡೇಟಾ, ಯಾವುದೇ ನೆಟ್ ವರ್ಕ್ ಗೆ 56 ದಿನಗಳ ಕಾಲ ಅನಿಯಮಿತ ವಾಯ್ಸ್ ಕಾಲ್ ಉಚಿತವಾಗಿರುತ್ತದೆ. ಈ ಆಫರ್ ನಲ್ಲಿ ಪ್ರತಿದಿನ 300 ನಿಮಿಷ ಹಾಗೂ ವಾರಕ್ಕೆ 1200 ನಿಮಿಷ ವಾಯ್ಸ್ ಕಾಲ್ ಉಚಿತವಾಗಿರುತ್ತದೆ.
