ಒಪೆಕ್ ನ ಈ ನಿರ್ಧಾರದಿಂದಾಗಿ ಭಾರತದಲ್ಲಿ ತೈಲ ದರ ಏರಿಕೆಯಾಗುವ ಆತಂಕ ಎದುರಾಗಿದ್ದು, ಅಲ್ಲದೆ ದರಗಳ ನಿತ್ಯ ಪರಿಷ್ಕರಣೆಯಿಂದಾಗಿಯೂ ಭಾರತದಲ್ಲಿ ತೈಲ ಕಂಪನಿಗಳು ಸಂಕಷ್ಟ ಎದುರಿಸುವಂತಾಗಿತ್ತು. ಇನ್ನು ಭಾರತೀಯ ತೈಲ ಕಂಪೆನಿಗಳು 2018-19 ವಿತ್ತೀಯ ವರ್ಷದಲ್ಲಿ 1,643 ಮಿಲಿಯನ್ ಬ್ಯಾರೆಲ್ ಕಚ್ಛಾ ತೈಲ ಖರೀದಿ ಮಾಡುತ್ತಿದ್ದು, ಒಪೆಕ್ ನ ನಿರ್ಧಾರದಿಂದ ತೈಲ ಆಮದಿನ ಮೇಲೆ ಪರಿಣಾಮ ಬೀರುವ ಸಾಧ್ಯತೆ ಇದೆ. ಅಲ್ಲದೆ ತೈಲೋತ್ಪನ್ನಗಳ ದರ ಕೂಡ ಏರಿಕೆಯಾಗುವ ಸಾಧ್ಯತೆ ಇದೆ ಮತ್ತು ಗಾಯದ ಮೇಲೆ ಉಪ್ಪು ಸವರಿದಂತೆ ಎಂಬಂತೆ ಡಾಲರ್ ಎದುರು ರೂಪಾಯಿ ಮೌಲ್ಯ ಕುಸಿತ ಕೂಡ ತೈಲ ದರ ಏರಿಕೆ ಮೇಲೆ ಪರಿಣಾಮ ಬೀರಲಿದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
