ಇಂಟೆಕ್ಸ್ ನಿಂದ 4,449 ರೂಗಳಿಗೆ ಸ್ಮಾರ್ಟ್ ಫೋನ್ ಬಿಡುಗಡೆ

ನವದೆಹಲಿ: ದೇಶಿ ಮೊಬೈಲ್ ಉತ್ಪಾದಕ ಸಂಸ್ಥೆ ಇಂಟೆಕ್ಸ್ ರೂಪಾಯಿ 4,449 ಕ್ಕೆ ಸ್ಮಾರ್ಟ್ ಫೋನ್ ಬಿಡುಗಡೆ ಮಾಡಿದೆ. 

5 ಇಂಚಿನ ಪರದೆ, 4 ಜಿ ವೋಲ್ಟೆ ಸೌಲಭ್ಯ, ಆಂಡ್ರಾಯ್ಡ್ 7 ನೌಗಾಟ್ ಆಪರೇಟಿಂಗ್ ಸಿಸ್ಟಂ ಹೊಂದಿದ್ದು, 64 ಜಿಬಿಯಷ್ಟು ವಿಸ್ತರಿಸಿಕೊಳ್ಳಬಹುದಾದ ಮೆಮೊರಿ ಸಾಮರ್ಥ್ಯ ಹೊಂದಿದೆ. ಹೊಸ ಮೊಬೈಲ್ ನ್ನು ಮಾರುಕಟ್ಟೆಗೆ ಪರಿಚಯಿಸುವ ಮೂಲಕ ನಾವು 2018 ನ್ನು ಆರಂಭಿಸಬೇಕಿತ್ತು, ಆದ್ದರಿಂದ ಕಡಿಮೆ ದರದಲ್ಲಿ ಮ್ಸಾರ್ಟ್ ಫೋನ್ ನ್ನು ತಯಾರಿಸಲಾಗಿದೆ ಎಂದು ಇಂಟೆಕ್ಸ್ ನ ನಿರ್ದೇಶಕ ನಿಧಿ ಮಾರ್ಕಾಂಡೆಯ ತಿಳಿಸಿದ್ದಾರೆ. 

5 ಮೆಗಾ ಪಿಕ್ಸಲ್ ಹಿಂಭಾಗದ ಕ್ಯಾಮರ ಹಾಗೂ 2 ಮೆಗಾ ಪಿಕ್ಸಲ್ ಮುಂಭಾಗದ ಕ್ಯಾಮರ ಅಳವಡಿಸಲಾಗಿದ್ದು, ಫ್ಲ್ಯಾಶ್ ಆಯ್ಕೆ ಇದೆ. ನಿರಂತರ 6 ಗಂಟೆಗಳು ಮಾತನಾಡಲು ಸಾಧ್ಯವಿದ್ದು ಹಿಂದಿ ಸೇರಿದಂತೆ 21 ಭಾಷಗಳ ಆಯ್ಕೆ ಹೊಂದಿರುವ ಮಾತ್ರಭಾಷಾ ಸೌಲಭ್ಯವನ್ನೂ ಒದಗಿಸಲಾಗಿದೆ.