ವಾಣಿಜ್ಯ
ಸತತ 4 ನೇ ದಿನ ಪೆಟ್ರೋಲ್ ದರ ಲೀಟರ್ ಗೆ 12-14 ಪೈಸೆ ಏರಿಕೆ!
ನಾಲ್ಕು ನಗರಗಳಲ್ಲಿ ಸತತ ನಾಲ್ಕನೇ ದಿನ ಪೆಟ್ರೋಲ್ ದರ ಏರಿಕೆಯಾಗಿದೆ.
ನವದೆಹಲಿ: ನಾಲ್ಕು ನಗರಗಳಲ್ಲಿ ಸತತ ನಾಲ್ಕನೇ ದಿನ ಪೆಟ್ರೋಲ್ ದರ ಏರಿಕೆಯಾಗಿದೆ.
ಭಾನುವಾರ ಪ್ರತಿ ಲೀಟರ್ ಗೆ 12-14 ಪೈಸೆ ಏರಿಕೆಯಾಗಿದ್ದು, ಕೋಲ್ಕತ್ತಾ, ದೆಹಲಿ, ಮುಂಬೈ, ಚೆನ್ನೈ ಗಳಲ್ಲಿ ಪೆಟ್ರೋಲ್ ದರ ಏರಿಕೆ ಕಂಡಿದೆ.
ಕೋಲ್ಕತ್ತಾದಲ್ಲಿ ಈ ವರೆಗೂ 82.87 ಪೈಸೆ ಪ್ರತಿ ಲೀಟರ್ ಗೆ ಮಾರಾಟವಾಗುತ್ತಿದ್ದ ಪೆಟ್ರೋಲ್ ದರ 14 ಪೈಸೆ ಹೆಚ್ಚಳದೊಂದಿಗೆ 83.01 ರೂಪಾಯಿಗಳಿಗೆ ಮಾರಾಟವಾಗುತ್ತಿದೆ.
ಇದೇ ರೀತಿಯಲ್ಲಿ ದೆಹಲಿ, ಮುಂಬೈಗಳಲ್ಲಿಯೂ 14 ಪೈಸೆಯಷ್ಟು ಪೆಟ್ರೋಲ್ ದರ ಏರಿಕೆಯಾಗಿದ್ದು, ಅನುಕ್ರಮವಾಗಿ ಲೀಟರ್ ಗೆ 81.49 ರೂಪಾಯಿ, 88.16 ರೂಪಾಯಿಯಷ್ಟಾಗಿದೆ. ಚೆನ್ನೈ ನಲ್ಲಿ ತೈಲ ದರ ಪ್ರತಿ ಲೀಟರ್ ಗೆ 12 ಪೈಸೆಯಷ್ಟು ಏರಿಕೆಯಾಗಿದ್ದು 84.40 ರೂಪಾಯಿಯಿಂದ 84.52 ರೂಪಾಯಿಯಷ್ಟಾಗಿದೆ. ಎಲ್ಲಾ ಮೆಟ್ರೋ ನಗರಗಳಲ್ಲಿಯೂ ಡೀಸೆಲ್ ದರ ಯಥಾಸ್ಥಿತಿಯಲ್ಲಿದೆ.