ನವದೆಹಲಿ : ಐಶ್ವರ್ಯಾ ರೈ ಮತ್ತೆ ಬಾಲಿವುಡ್ಗೆ ಮರಳಲಿದ್ದಾರಾ? ಹೌದು ಅನ್ನುತ್ತವೆ ಬಾಲಿವುಡ್ ಮೂಲಗಳು. ತನ್ನ ಎರಡನೇ ಇನ್ನಿಂಗ್ಸ್ ಆರಂಭಿಸಲಿರುವ ಐಶ್ವರ್ಯಾ ರೈ ಬಚ್ಚನ್ ಬಾಲಿವುಡ್ ಬಾದ್ಶಾ ಶಾರುಖ್ ಖಾನ್ ಜತೆ ನಟಿಸುವ ಮೂಲಕ ರೀ ಎಂಟ್ರಿ ಕೊಡಲಿದ್ದಾಳೆ ಎಂಬುದು ಇನ್ನೊಂದು ಸುದ್ದಿ.
ದಶಕಗಳ ನಂತರ ಶಾರುಖ್ ಮತ್ತು ಐಶ್ವರ್ಯಾ ಜತೆಯಾಗಿ ನಟಿಸಲಿದ್ದು ಸಿನಿಮಾ ಪ್ರೇಮಿಗಳು ಈ ಜೋಡಿಯನ್ನು ತೆರೆಯ ಮೇಲೆ ಕಾಣಲು ಉತ್ಸುಕರಾಗಿದ್ದಾರೆ.
'ಚೆನ್ನೈ ಎಕ್ಸ್ಪ್ರೆಸ್' ಸಿನಿಮಾ ನಿರ್ದೇಶನದ ಖ್ಯಾತಿಯ ರೋಹಿತ್ ಶೆಟ್ಟಿ ಈ ಜೋಡಿಯನ್ನು ತೆರೆಯ ಮೇಲೆ ಕರೆತರಲಿದ್ದಾರೆ. 'ಚಲ್ತಿ ಕಾ ನಾಮ್ ಗಾಡಿ' ಚಿತ್ರದ ಕಿಶೋರ್ ಕುಮಾರ್ ಮತ್ತು ಮಧುಬಾಲಾ ಅವರ ಪಾತ್ರದ ಮರುಸೃಷ್ಟಿಯಲ್ಲಿ ಐಶ್ ಮತ್ತು ಕಿಂಗ್ಖಾನ್ ಬಣ್ಣ ಹಚ್ಚಲಿದ್ದಾರೆ ಎಂಬ ವದಂತಿಗಳು ಕೇಳಿಬರುತ್ತಿವೆ.
ಆದಾಗ್ಯೂ, ಇಲ್ಲಿಯವರೆಗೆ ಸಿನಿಮಾದ ಬಗ್ಗೆ ನಿರ್ಮಾಪಕರಾಗಲೀ, ನಟರಾಗಲೀ ಯಾವುದೇ ಹೇಳಿಕೆ ನೀಡಿಲ್ಲ.
2012ರಲ್ಲಿ ಸಂಜಯ್ ಲೀಲಾ ಬನ್ಸಾಲಿ ಅವರ 'ದೇವದಾಸ್' ಚಿತ್ರದಲ್ಲಿ ಮೋಡಿ ಮಾಡಿದ್ದ ಈ ಜೋಡಿ ಮತ್ತೆ ಒಂದಾಗುತ್ತದಾ? ಕಾದು ನೋಡಬೇಕಾಗಿದೆ.
Advertisement