ಕಪಿಲ್ ಶರ್ಮಾ ಶೋನಲ್ಲಿ ಅಜಯ್ ದೇವಗನ್ ಕುಚೇಷ್ಟೆ

ನವದೆಹಲಿ: ತೀವ್ರ ತುಡಿತ ಹೊಂದಿರುವ ನಟ ಅಜಯ್ ದೇವಗನ್ ತಮ್ಮ ಮಹಾತ್ವಾಕಾಂಕ್ಷಿ ಚಿತ್ರ ಶಿವಾಯ್ ನ ಪ್ರಚಾರ ಮತ್ತು ಬಿಡುಗಡೆಯ ಬ್ಯುಸಿಯಲ್ಲಿದ್ದಾರೆ. ಅದರ ಭಾಗವಾಗಿ ಕಪಿಲ್ ಶರ್ಮಾರ ಕಾಮಿಡಿ ಕಿಂಗ್ ಷೋಗೆ ಅಜಯ್ ದೇವಗನ್ ಮತ್ತು ಕಾಜೋಲ್ ಬಂದಿದ್ದರು. 

ಕಪಿಲ್ ಶರ್ಮಾ ಷೋ ಎಂದ ಮೇಲೆ ಅಲ್ಲಿ ನಗು, ತಮಾಷೆ, ಹರಟೆಗೆ ಕೊರತೆಯಿಲ್ಲ. ಷೋವಿನ ಕೆಲವು ಚಿತ್ರಗಳು ಇಂಟರ್ನೆಟ್ ನಲ್ಲಿ ವೈರಲ್ ಆದ ನಂತರ ಅಜಯ್ ದೇವಗನ್ ತಾವೇ ಸ್ವತಃ ಷೋದ ಸಣ್ಣ ವಿಡಿಯೋ ತುಣುಕನ್ನು ಟ್ವಿಟ್ಟರ್ ನಲ್ಲಿ ಷೇರ್ ಮಾಡಿದ್ದು ಅದರಲ್ಲಿ ಅಜಯ್ ಕಪಿಲ್ ಮತ್ತು ಚಂದು ಜೊತೆ ತುಂಬಾ ಸುಂದರವಾದ ಕುಚೇಷ್ಟೆಯೊಂದನ್ನು ಮಾಡಿದ್ದಾರೆ. ವಿಡಿಯೋ ನೋಡಿದವರಿಗೆ ಖಂಡಿತವಾಗಿಯೂ ಹೊಟ್ಟೆ ಹುಣ್ಣಾಗುವಷ್ಟು ನಗು ಬರದೆ ಇರದು.

ಈ ಶೋ ಮುಂದಿನ ವಾರ ಪ್ರಸಾರವಾಗಲಿದೆ. ಶಿವಾಯ್ ಚಿತ್ರ ಈ ದೀಪಾವಳಿಗೆ ಅಕ್ಟೋಬರ್ 28ರಂದು ತೆರೆ ಕಾಣಲಿದೆ. ಶಿವಾಯ್ ಚಿತ್ರದಲ್ಲಿ ಅಜಯ್ ದೇವಗನ್ ನಿರ್ದೇಶಿಸಿ ನಟಿಸಿದ್ದಾರೆ ಕೂಡ.