ಮುಂಬೈ: ಲೈಂಗಿಕ ಕಿರುಕುಳ ಆರೋಪದ ಹಿನ್ನೆಲೆಯಲ್ಲಿ ಹೌಸ್ ಫುಲ್ -4 ಚಿತ್ರದ ನಿರ್ದೇಶಕ ಸಜಿದ್ ಖಾನ್ ಅವರು ಚಿತ್ರದಿಂದ ಹೊರ ನಡೆದ ನಂತರ ಈಗ ಬಾಲಿವುಡ್ ಹಿರಿಯ ನಟ ನಾನಾ ಪಾಟೇಕರ್ ಸಹ ಚಿತ್ರದಿಂದ ದೂರ ಉಳಿದಿದ್ದಾರೆ.
2008ರಲ್ಲಿ ಹಾರ್ನ್ ಓಕೆ ಪ್ಲೀಸ್ ಚಿತ್ರದ ಚಿತ್ರೀಕರಣದ ವೇಳೆ ನಾನಾ ಪಾಟೇಕರ್ ಅವರು ನಟಿ ತನುಶ್ರೀ ದತ್ತ ಅವರಿಗೆ ಲೈಂಗಿಕ ಕಿರುಕುಳ ನೀಡಿದ ಆರೋಪ ಎದುರಿಸುತ್ತಿದ್ದಾರೆ.
ನಾನಾ ಸಾಹೇಬ್ ಅವರು ಯಾರಿಗೂ ಯಾವುದೇ ತೊಂದರೆ ಅಥವಾ ಅನಾನುಕೂಲತೆ ಉಂಟು ಮಾಡಲು ಬಯಸುವುದಿಲ್ಲ ಮತ್ತು ಅವರ ವಿರುದ್ಧದ ಸುಳ್ಳು ಆರೋಪಗಳ ಹಿನ್ನಲೆಯಲ್ಲಿ ಅವರು ಚಿತ್ರೀಕರಣದ ಹಂತದಲ್ಲಿರುವ ಹೌಸ್ ಫುಲ್ -4ರಿಂದ ದೂರ ಉಳಿಯುತ್ತಿದ್ದಾರೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
ಇನ್ನು ತನುಶ್ರೀ ಆರೋಪವನ್ನು ಸ್ಪಷ್ಟವಾಗಿ ತಳ್ಳಿಹಾಕಿರುವ ನಾನಾ ಪಾಟೇಕರ್ ಅವರು, ನಾನಿದನ್ನು 10 ವರ್ಷಗಳ ಹಿಂದೆಯೇ ಹೇಳಿದ್ದೇನೆ. ಸುಳ್ಳು ಯಾವತ್ತಿದ್ದರೂ ಸುಳ್ಳೇ ಎಂದಿದ್ದಾರೆ.
