ಬೆಂಗಳೂರು: ಕನ್ನಡ ಸಿನೆಮಾಗಳಲ್ಲಿ ಹೊಸಬಗೆಯ ಹೆಸರುಗಳಿಗೇನೂ ಕಮ್ಮಿ ಇಲ್ಲ. ಸಂಖ್ಯೆಗಳು ಮತ್ತು ಚಿಹ್ನೆಗಳು ಇಲ್ಲಿ ಸಾಮಾನ್ಯ. ಆದರೆ ನಿರ್ದೇಶಕ ರಾಜೀವ್ ಕೃಷ್ಣ ಗಾಂಧಿ ಅವರ ಈ ಸಿನೆಮಾಗಾಗಿ ಮೊಬೈಲ್ ನಂಬರ್ ಒಂದನ್ನ ಶೀರ್ಷಿಕೆಯಾಗಿ ಬಳಸಿಕೊಂಡಿದ್ದಾರೆ. ಅದೇ ೭೪೧೧೧೯೦೪೨೯.
೭೪೧೧೧೯೦೪೨೯ ಒಂದು ಕೊಲೆಯ ರಹಸ್ಯದ ಸುತ್ತ ಸುತ್ತುವ ಚಿತ್ರ. ಮೊಬೈಲ್ ನಂಬರ್ ನಿಂದ ಕೊಲೆಯ ರಹಸ್ಯವನ್ನು ಬೇಧಿಸುವ ಕಥಾ ಹಂದರವಿರುವ ಈ ಸಿನೆಮಾದಲ್ಲಿ, ತಮಿಳು ನಟರಾದ ಕೋಪಿಕರ್ ಮತ್ತು ಶ್ರುತಿ ಹೀರಾ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದಾರೆ.
ಈ ಮೊಬೈಲ್ ಸಂಖ್ಯೆಯ ಸಿಮ್ ಕೊಂಡುಕೊಂಡಿರುವ ಚಿತ್ರ ತಂಡ, ಈ ನಂಬರನ್ನು ಪ್ರಚಾರಕ್ಕೆ ಬಳಸಿಕೊಳ್ಳಲು ಸನ್ನದ್ಧವಾಗಿದೆ. ಈ ನಂಬರ್ ಗೆ ಕರೆ ಕೊಡುವವರಿಗೆಲ್ಲ ಸಿನೆಮಾದ ಬಗ್ಗೆ ಅಪ್ಡೇಟ್ ಗಳನ್ನು ನೀಡಲಾಗುತ್ತದೆ.
