ಬೆಂಗಳೂರು: ಪ್ರೀತಮ್ ಗುಬ್ಬಿ ನಿರ್ದೇಶನದ, ಧನಂಜಯ್ ನಟಿಸಿರುವ ಬಾಕ್ಸರ್ ಸಿನೆಮಾಗೆ ಯಾವುದೇ ಕತ್ತರಿಯಿಲ್ಲದೆ ಸೆನ್ಸಾರ್ ಮಂಡಲಿಯಿಂದ 'ಯು' ಪ್ರಮಾಣಪತ್ರ ದೊರೆತಿದೆ. ಇದರಿಂದ ಸಂತಸಗೊಂಡಿರುವ ಚಿತ್ರತಂಡ ಸಿನೆಮಾವನ್ನು ಬಿಡುಗಡೆಗೆ ಸಿದ್ಧಪಡಿಸಿದೆ.
"ನಾವು ಬಿಡುಗಡೆಗೆ ಸಿದ್ಧರಾಗಿದ್ದೇವೆ. ನಿರ್ಮಾಪಕರಾದ ಜಯಣ್ಣ ಮತ್ತು ಭೋಗೇಂದ್ರ ಅವರು ನವೆಂಬರ್ ೨೭ ಕ್ಕೆ ಬಿಡುಗಡೆ ಮಾಡಲು ನಿರ್ಧರಿಸಿದ್ದಾರೆ. ಈ ಮೊದಲು ದೀಪಾವಳಿಗೆ ಬಿಡುಗಡೆ ಮಾಡಬೇಕೆಂದಿದ್ದೆವು. ಆದರೆ ಸೆನ್ಸಾರ್ ಪ್ರಮಾಣ ಪತ್ರ ದೊರೆಯುವುದು ತಡವಾದ್ದರಿಂದ ಎರಡು ವಾರ ಪ್ರಚಾರಕ್ಕೆ ಮೀಸಲಿಟ್ಟು ಬಿಡುಗಡೆ ಮುಂದೂಡಿದೆವು" ಎನ್ನುತ್ತಾರೆ ನಿರ್ದೇಶಕ ಪ್ರೀತಮ್ ಗುಬ್ಬಿ.
ಬಾಕ್ಸರ್ ಪ್ರೇಮಕಥೆಯಾಗಿದ್ದು ಹೇರಳ ಆಕ್ಷನ್ ದೃಶ್ಯಗಳಿವೆಯಂತೆ, ಧನಂಜಯ್ ಅವರು ಕಿಕ್ ಬಾಕ್ಸಿಂಗ್ ನಲ್ಲಿ ತರಬೇತಿಯನ್ನು ತೆಗೆದುಕೊಂಡಿದ್ದಾರೆ. ಕೃತಿಕ ಜಯಕುಮಾರ್ ಬೆಳ್ಳಿತೆರೆಗೆ ನಾಯಕನಟಿಯಾಗಿ ಪಾದಾರ್ಪಣೆ ಮಾಡುತ್ತಿದ್ದು ವಿ ಹರಿಕೃಷ್ಣ ಅವರ ಸಂಗೀತ ಇದೆ. ಪ್ರೀತ ಜಯರಾಮನ್ ಸಿನೆಮ್ಯಾಟೋಗ್ರಾಫರ್.
Advertisement