ರನ್ ಆಂಟನಿ ಚಿತ್ರದಲ್ಲಿ ಮೈಸೂರು ಹುಡುಗ ರಜನಿಕಾಂತ್ ನಟನೆ

ರಾಘವೇಂದ್ರ ರಾಜ್ ಕುಮಾರ್ ಪುತ್ರ ವಿನಯ್ ರಾಜ್ ಅವರ ಮುಂದಿನ ಚಿತ್ರ ರನ್ ಆಂಟನಿ ಚಿತ್ರದಲ್ಲಿ ಮೈಸೂರು ಹುಡುಗ ರಜನಿಕಾಂತ್ ಅಭಿನಯಿಸಲಿದ್ದಾರೆ.

ರಘು ಶಾಸ್ತ್ರಿ ನಿರ್ದೇಶನದ ಕನ್ನಡ ಚಿತ್ರದಲ್ಲಿ ವಿನಯ್ ರಾಜ್ ಕುಮಾರ್ ಜೊತೆ ರಜನಿ ಕಾಂತ್ ನಟಿಸುತ್ತಿದ್ದಾರೆ. ಈ ಚಿತ್ರವನ್ನು ಬೆಂಗಳೂರಿನ ವಿವಿಧ ಭಾಗಗಳಲ್ಲಿ ಚಿತ್ರೀಕರಿಸಲಾಗುತ್ತಿದೆ.

ರನ್ ಆಂಟನಿ ಚಿತ್ರದಲ್ಲಿ ವಿನಯ್ ಜೊತೆ ತಾವು ಅಭಿನಯಿಸುತ್ತಿದ್ದು, ಆರಂಭದಿಂದಲೂ ಚಿತ್ರದ ಕೊನೆಯವರೆಗೂ ಇಬ್ಬರ ಕಾಮಿಡಿ ಅದ್ಭುತವಾಗಿದೆ ಎಂದು ರಜನಿಕಾಂತ್ ಹೇಳಿದ್ದಾರೆ. ಕಳೆದ ಒಂದು ದಶಕದಿಂದಲೂ ಕಾಮಿಡಿ ಚಿತ್ರದಲ್ಲಿ ಅಭಿನಯಿಸಲು ಕನಸು ಕಾಣುತ್ತಿದ್ದೆ. ಈಗ ಆ ಸಮಯ ಬಂದಿದೆ ಎಂದು ಹೇಳಿದ್ದಾರೆ.

ಟಿವಿ ಧಾರಾವಾಹಿಯಲ್ಲೂ ನಟಿಸುತ್ತಿರುವ ರಜನೀಕಾಂತ್ ಹಿರಿತೆರೆ ಹಾಗೂ ಕಿರುತೆರಗಳನ್ನು ಸಮವಾಗಿ ನಿಭಾಯಿಸಿಕೊಂಡು ಹೋಗುತ್ತಿದ್ದಾರೆ. ನನಗೆ ಸಿನಿಮಾ ಮತ್ತು ಧಾರಾವಾಹಿ ಎಂಬ ಬೇಧವಿಲ್ಲ. ಜನರನ್ನು ಮನರಂಜಿಸುವುದಷ್ಟೇ ನನ್ನ ಉದ್ದೇಶ ಎಂದು ರಜನೀಕಾಂತ್ ಅಭಿಪ್ರಾಯ ಪಟ್ಟಿದ್ದಾರೆ.