ಮೊದಲ ಬಾರಿಗೆ ಹಾಸ್ಯ ಪಾತ್ರದ ಅಭಿನಯಕ್ಕೆ ಒಡ್ಡಿಕೊಂಡಿರುವುದಾಗಿ ತಿಳಿಸುವ ಅವರು ಈ ಹಿಂದೆ ತೆರೆಯ ಮೇಲೆ ಎಂದಿಗೂ ತಾಮಾಷೆಯಾಗಿ ಕಾಣಿಸಿಕೊಂಡಿಲ್ಲ ಮತ್ತು ಅಂತಹ ಪಾತ್ರ ಸಿಕ್ಕೇ ಇಲ್ಲ ಎನ್ನುತ್ತಾರೆ. "ಹಾಸ್ಯ ತುಸು ಕಷ್ಟದ ವಿಭಾಗ. 'ಜೂಮ್' ಚಿತ್ರೀಕರಣದ ನಂತರ ಅದು ನನಗೆ ತಿಳಿಯಿತು. ನನ್ನ ಬಳಿ ಸ್ಕ್ರಿಪ್ಟ್ ಬಂದಾಗ ನಾನು ಆತ್ಮವಿಶ್ವಾಸದಿಂದ ಇದ್ದೆ ಏಕೆಂದರೆ ಪ್ರಶಾಂತ್ ರಾಜ್ ಬಗ್ಗೆ ನನಗೆ ಆಪ್ತತೆಯಿತ್ತು. ಅಲ್ಲದೆ ಅವರ 'ಲವ್ ಗುರು' ಮತ್ತು 'ಗಾನ ಬಜಾನಾ' ಸಿನೆಮಾಗಳಲ್ಲಿ ನಟಿಸಿದ್ದೆ ಎನ್ನುವ ನಟಿ, ಗಣೇಶ್, ಸಾಧು ಕೋಕಿಲಾ ಮತ್ತು ಹಿರಿಯ ನಟ ಕಾಶಿನಾಥ್ ಅವರು ಸುತ್ತುವರೆದಿದ್ದ ಸೆಟ್ ನಲ್ಲಿ ಹಾಸ್ಯ ಹಾಸುಹೊಕ್ಕಿತ್ತು ಎನ್ನುತ್ತಾರೆ.