ಬೆಂಗಳೂರು: ಮೂರು ವರ್ಷದ ಹಿಂದೆ 'ಚಾರ್ ಮಿನಾರ್' ಸಿನೆಮಾದಲ್ಲಿ ನಟಿಸಿದ್ದ ನಟಿ ಮೇಘನಾ, ಈಗ 'ಸಿಂಪಲ್ಲಾಗ್ ಇನ್ನೊಂದು ಲವ್ ಸ್ಟೋರಿ'ಯಲ್ಲಿ ನಟನೆ ಸುಲಭವಾಗಿತ್ತು ಎಂದಿದ್ದಾರೆ.
"ನಾನು ನನ್ನ ಹಿಂದಿನ ಸಿನೆಮಾದಲ್ಲಿ ಮಾಡಿದ್ದ ಗಂಭೀರ ಪ್ರಯತ್ನಗಳಿಗೆ ಹೋಲಿಸಿದರೆ, ಸುನಿ ಸಿನೆಮಾದಲ್ಲಿ ನಟಿಸುವಾಗ ಆರಾಮವಾಗಿದ್ದೆ. ಇಲ್ಲಿ ನಾನು ನಟಿಸುತ್ತಿರುವ ಪಾತ್ರ ನಿಜ ಜೀವನದಲ್ಲಿದ್ದಂತೆಯೇ. ಆಧುನಿಕ ಹುಡುಗಿಯದ್ದು ಆದರೆ ತನ್ನ ಪರಿಧಿ ತಿಳಿದವಳ ಪಾತ್ರ ಇದು" ಎಂದು ವಿವರಿಸುತ್ತಾರೆ ಮೇಘನಾ.
'ಸಿಂಪಲ್ಲಾಗ್,,,' ಚಿತ್ರೀಕಾರಣ ಅದ್ಭುತ ಪಯಣ ಎನ್ನುವ ನಟಿ "ಇದು ಒಂದು ಪ್ರವಾಸ ಹೋಗಿ ಬಂದಂತಿತ್ತು. ಬೆಂಗಳೂರಿನಿಂದ ಕಾರಾವಾರಕ್ಕೆ ಹೋಗಿ ಬರಬೇಕಿತ್ತು, ಅಲ್ಲಿ ಸಾಕಷ್ಟು ಜನ ಹೊಸಬರನ್ನು ಭೇಟಿ ಮಾಡಿ ಗೆಳೆಯರಾದರು" ಎನ್ನುತ್ತಾರೆ.
ಸದ್ಯಕ್ಕೆ ಸಿನೆಮಾದ ಪ್ರಚಾರ ಕಾರ್ಯದಲ್ಲಿ ತೊಡಗಿಕೊಂಡಿರುವ "ನನಗೆ ಪ್ರಚಾರ ಕಾರ್ಯದಲ್ಲಿ ತೊಡಗಿಕೊಳ್ಳಲು ಇಷ್ಟ. ನಾನು ಸಾಮಾನ್ಯವಾಗಿ ಯುವ ಪ್ರೇಕ್ಷಕರನ್ನು ಗುರಿಯಾಗಿಸಿಕೊಳ್ಳುತ್ತೇನೆ. ಅವರೇ ಸಿನೆಮಾಗಳನ್ನು ನೋಡುವವರು. ಅವರಿಗೆ ನಮ್ಮ ನಿಜ ಜೀವನವನ್ನು ತಿಳಿಯುವ ಆಸೆಯಿರುತ್ತದೆ. ಅವರ ಜೊತೆಗೆ ವೈಯಕ್ತಿಕ ಮಾತುಕತೆ ಬಾಂಡಿಂಗ್ ಗೆ ಸಹಕಾರಿ. ಕಾಲೇಜು ಉತ್ಸವಗಳಿಗೆ ಹೋಗಿ ವಿದ್ಯಾರ್ಥಿಗಳ ಜೊತೆಗೆ ಮಾತುಕತೆ ನಡೆಸುವುದು ನನಗಿಷ್ಟ" ಎನ್ನುತ್ತಾರೆ ಮೇಘನಾ.
Advertisement