ಮನೋರಂಜನ್ 'ಸಾಹೇಬ' ಚಿತ್ರೀಕರಣ ಬಹುತೇಕ ಮುಕ್ತಾಯ; ಡಿಸೆಂಬರ್ ನಲ್ಲಿ ಬಿಡುಗಡೆ?

ಬೆಂಗಳೂರು: 'ಸಾಹೇಬ' ಚಿತ್ರೀಕರಣ ಬಹುತೇಕ ಸಂಪೂರ್ಣಗೊಂಡಿದೆ. ಎರಡು ದಿನಗಳ ಹಿಂದೆ ನಟ ಮನೋರಂಜನ್ ಮತ್ತು ಶಾನ್ವಿ ಶ್ರೀವಾಸ್ತವ ಒಳಗೊಂಡ ರೋಮ್ಯಾಂಟಿಕ್ ಹಾಡಿನ ಚಿತ್ರೀಕರಣವನ್ನು ತಂಡ ಮುಗಿಸಿದೆ. 

ಈ ಹಾಡಿನ ಸ್ಟಿಲ್ ಗಳನ್ನು ಗಮನಿಸಿದಾಗ, ಈ ಇಬ್ಬರೂ ನಟರ ಸ್ಕ್ರೀನ್ ಕೆಮಿಸ್ಟ್ರಿ ಬಹಳ ಆಪ್ತವಾಗಿದೆ ಎಂದಿನಿಸದೆ ಇರದು. 'ಬಾ ಬಾ ಸಾಹೇಬ' ಎಂಬ ಈ ಡ್ಯುಯೆಟ್ ಹಾಡಿಗೆ ವಿ ಹರಿಕೃಷ್ಣ ಸಂಗೀತ ನೀಡಿದ್ದು, ಮುರಳಿ ಮಾಸ್ಟರ್ ನೃತ್ಯ ನಿರ್ದೇಶನ ಮಾಡಿದ್ದಾರೆ. 

"ಈ ಹಾಡಿನಲ್ಲಿ ಮನೋರಂಜನ್ ಮತ್ತು ನಾನು ಕಾಣಿಸಿಕೊಂಡರು, ನನ್ನದೇ ಪ್ರಮುಖ ಪಾತ್ರ ಇಲ್ಲಿ. ಏಕೆಂದರೆ ಸಿನೆಮಾದಲ್ಲಿ ಅವರು ನನ್ನ ಸಾಹೇಬ ಮತ್ತು ನಾವು ಅವರ ಜೊತೆಗೆ ಇರಬಯಸುತ್ತೇನೆ, ಈ ಹಾಡಿನ ಮೂಲಕ ಪ್ರೀತಿ ಅಂಕುರಿಸುತ್ತದೆ. ಇದು ರೆಟ್ರೋ ಶೈಲಿಯ ನೃತ್ಯ" ಎಂದು ವಿವರಿಸುತ್ತಾರೆ ನಟಿ ಶಾನ್ವಿ.

ಇನ್ನೆರಡು ಹಾಡುಗಳ ಚಿತ್ರೀಕರಣವಷ್ಟೇ ಬಾಕಿ ಉಳಿದಿದ್ದು. ಆದಷ್ಟು ಬೇಗ ಅದನ್ನು ಮುಗಿಸಿ ಡಿಸೆಂಬರ್ ನಲ್ಲಿ ಸಿನೆಮಾ ಬಿಡುಗಡೆ ಮಾಡಲು ಚಿತ್ರತಂಡ ಯೋಜಿಸಿದೆ. 

ಈಮಧ್ಯೆ ರಮೇಶ್ ಅರವಿಂದ್ ನಿರ್ದೇಶನದ ಗಣೇಶ್ ಮತ್ತು ಶಾನ್ವಿ ಅಭಿನಯದ 'ಸುಂದರಾಂಗ ಜಾಣ' ಬಿಡುಗಡೆಗೆ ಸಿದ್ಧವಾಗಿದೆ. ಇದರ ನಂತರ ಭರತ್ ನಿರ್ದೇಶನದ 'ಸಾಹೇಬ' ಬಿಡುಗಡೆಗೆ ಕೂಡ ಶಾನ್ವಿ ಎದುರು ನೋಡುತ್ತಿದ್ದಾರೆ. ಶ್ರೀಮುರಳಿ ಜೊತೆಗೆ 'ಮುಫ್ತಿ' ಸಿನೆಮಾದ ಎರಡನೇ ಹಂತದ ಚಿತ್ರೀಕರಣದಲ್ಲಿ ಕೂಡ ತೊಡಗಿಸಿಕೊಂಡಿದ್ದು, ರಕ್ಷಿತ್ ಶೆಟ್ಟಿ ಜೊತೆಗೆ ಕೂಡ ಒಂದು ಸಿನೆಮಾದಲ್ಲಿ ನಟಿಸಲಿದ್ದಾರೆ.