ಕನ್ನಡದ ಗಣಪ ಚಿತ್ರದ ಮೂಲಕ ಬೆಳ್ಳಿ ತೆರೆಗೆ ಪಾದಾರ್ಪಣೆ ಮಾಡಿದ್ದ ಪ್ರಿಯಾಂಕ ಇದೀ ಮಾಲಿವುಡ್ ನಲ್ಲಿ ಅದೃಷ್ಠ ಪರೀಕ್ಷೆಗೆ ಮುಂದಾಗಿದ್ದಾರೆ.
ಮಲಯಾಳಂನ ರೋಶನ್ ಆಂಡ್ರೂಸ್ ನಿರ್ದೇಶನದ ಕಯಾಮುಕುಲಂ ಕೊಚುನ್ನಿ ಚಿತ್ರಕ್ಕಾಗಿ ಪ್ರಿಯಾಂಕ ಸಹಿ ಮಾಡಿದ್ದಾರೆ. ಇದು 19ನೇ ಶತಮಾನದ ಚಿತ್ರದ ಕಥೆಯಾಧಾರಿತ ಚಿತ್ರವಾಗಲಿದ್ದು ಮಾಲಿವುಡ್ ನ ನಟ ನವೀನ್ ಪೌಲಿ ಮತ್ತು ಅಮಲಾ ಪೌಲ್ ಜತೆ ಪ್ರಿಯಾಂಕ ಪರದೆ ಹಂಚಿಕೊಳ್ಳಲಿದ್ದಾರೆ.
ಸೆಪ್ಟೆಂಬರ್ ನಲ್ಲಿ ಚಿತ್ರದ ಶೂಟಿಂಗ್ ಆರಂಭಗೊಳ್ಳಲಿದ್ದು ಇದಕ್ಕೂ ಮುಂಚೆ ಪ್ರಿಯಾಂಕ ಮಾಲಿವುಡ್ ಎಂಟ್ರಿ ಕುರಿತು ಚಿತ್ರದ ತಂಡ ಘೋಷಣೆ ಮಾಡಲಿದೆ. ಇನ್ನು ಮಂಗಳೂರು ಮತ್ತು ಉಡುಪಿಯಲ್ಲೂ ಚಿತ್ರದ ಚಿತ್ರೀಕರಣ ನಡೆಯಲಿದೆ.
ಗಣಪ ಚಿತ್ರದ ನಂತರ ಪ್ರಿಯಾಂಕ ಗಣೇಶ್ ಅಭಿನಯದ ಪಟಾಕಿ ಚಿತ್ರದಲ್ಲೂ ಅಭಿನಯಿಸಿದ್ದರು. ಇನ್ನು ಕನ್ನಡ ಚಿತ್ರಗಳಿಗೆ ಸಹಿ ಮಾಡಿರುವ ಪ್ರಿಯಾಂಕ ಸುನಿ ನಿರ್ದೇಶನದ ಜಾನ್ ಸಿನಾ ಮತ್ತು ಕಾರ್ತಿಕ್ ಸರಗೂರ್ ನಿರ್ದೇಶನದ ಭೀಮ ಸೇನ ನಳ ಮಹಾರಾಜ ಚಿತ್ರದಲ್ಲೂ ಅಭಿನಯಿಸಲಿದ್ದಾರೆ.