ಮಾರ್ಚ್ ಮೊದಲ ವಾರದಿಂದ 'ಟಗರು' ಸಿನೆಮಾ ಸೆಟ್ ಸೇರಲಿರುವ ಭಾವನಾ

ಬೆಂಗಳೂರು: ಸದ್ಯಕ್ಕೆ ಪೃಥ್ವಿರಾಜ್ ನಟನೆಯ 'ಆಡಮ್' ಮಲಯಾಳಂ ಸಿನೆಮಾದಲ್ಲಿ ನಟಿಸುತ್ತಿರುವ ನಟಿ ಭಾವನಾ ಶೀಘ್ರದಲ್ಲೇ 'ಟಗರು' ಕನ್ನಡ ಸಿನೆಮಾ ಸೆಟ್ ಸೇರಲಿದ್ದಾರೆ. ಸೂರಿ ನಿರ್ದೇಶನದ ಈ ಚಿತ್ರದಲ್ಲಿ ಭಾವನಾ ಶಿವರಾಜ್ ಕುಮಾರ್ ಎದುರು ಒಂದು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. 

'ಟಗರು' ಸಿನೆಮಾದ ಮುಂದಿನ ಹಂತದ ಚಿತ್ರೀಕರಣ ಮಾರ್ಚ್ ೩ ರಿಂದ ಪ್ರಾರಂಭವಾಗಲಿದ್ದು ಇದಕ್ಕೆ ಸಿದ್ಧವಾಗುತ್ತಿರುವ ಸೂರಿ, ನಟಿ ಚಿತ್ರತಂಡವನ್ನು ಸೇರುತ್ತಿರುವುದನ್ನು ಧೃಢೀಕರಿಸುತ್ತಾರೆ. "ನಾವು ಅವರ ಭಾಗದ ಚಿತ್ರೀಕರಣವನ್ನು ಮಾರ್ಚ್ ಮೊದಲ ವಾರದಿಂದ ನಿಗದಿ ಮಾಡಿದ್ದೇವೆ ಮತ್ತು ಅವರು ನಮ್ಮ ಸೆಟ್ ಸೇರಲಿದ್ದಾರೆ" ಎಂದು ತಿಳಿಸುತ್ತಾರೆ ಸೂರಿ. 

ಈ ಹಿಂದೆ ಸೂರಿ ಅವರ 'ಜಾಕಿ' ಸಿನೆಮಾದ ಮೂಲಕ ಭಾವನಾ ಕನ್ನಡ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ್ದರು. ಅವರು ಆಗ ಪುನೀತ್ ರಾಜಕುಮಾರ್ ಎದುರು ನಟಿಸಿದ್ದರು. 

'ಟಗರು' ಸಿನೆಮಾದ ಈ ಭಾಗ ಬಹುತೇಕ ಬೆಂಗಳೂರಿನಲ್ಲೇ ಚಿತ್ರೀಕರಣಗೊಳ್ಳಲಿದ್ದು ಶಿವಣ್ಣ ಮತ್ತು ಭಾವನಾ ನಡುವಿನ ದೃಶ್ಯಗಳನ್ನು ಚಿತ್ರೀಕರಣ ಬಹುತೇಕ ಒಳಗೊಂಡಿವೆ. 

ಚರಣ್ ರಾಜ್ ಸಿನೆಮಾಗೆ ಸಂಗೀತ ನೀಡಿದ್ದು, ಮಹೇಂದ್ರ ಸಿಂಹ ಅವರ ಸಿನೆಮ್ಯಾಟೋಗ್ರಫಿ ಇದೆ.