ಬೆಂಗಳೂರು: ನಟಿ ಸೋನು ಗೌಡ ಆಯ್ಕೆ ಮಾಡಿಕೊಳ್ಳುತ್ತಿರುವ ಇತ್ತೀಚಿನ ಚಿತ್ರಗಳನ್ನು ಗಮನಿಸಿದರೆ, ಅವರು ಮಾಮೂಲಿತನದ ಕಥೆಗಳಿಂದ ಹೊರಬಂದು ವಿಭಿನ್ನ ಪಾತ್ರಗಳ ಮೊರೆಹೋಗುತ್ತಿದ್ದಾರೆ. ಚಂಬಲ್, ಶರಾವತಿ ತೀರದಲ್ಲಿ, ಗುಲ್ಟು ಸಿನೆಮಾಗಳಲ್ಲಿ ನಟಿಸುತ್ತಿರುವ ಸೋನು ಈಗ ಶಾಲಿನಿ ಐಎಎಸ್ ನಲ್ಲಿಯು ಪಾತ್ರ ಪಡೆದಿದ್ದಾರೆ. "ಕೆಲವು ದಿನ ಪಾತ್ರಗಳನ್ನೂ ಆಯ್ಕೆ ಮಾಡಿಕೊಳ್ಳುವ ವಿಚಾರದಲ್ಲಿ ಹೆಚ್ಚು ಚಿಂತಿಸುತ್ತಿರಲಿಲ್ಲ" ಎನ್ನುವ ಅವರು "ಈಗ ಎಚ್ಚೆತ್ತುಕೊಂಡಿದ್ದೇನೆ. ತಾಳ್ಮೆಯಿಂದ ಕಾದಿದ್ದು ಈಗ ಫಲ ನೀಡುತ್ತಿದ್ದು, ಒಳ್ಳೆಯ ಸ್ಕ್ರಿಪ್ಟ್ ಗಳು ನನ್ನೆಡೆಗೆ ಬರುತ್ತಿವೆ" ಎನ್ನುತ್ತಾರೆ.