ಕಾರು ಅಪಘಾತದಲ್ಲಿ ಹ್ಯಾರಿ ಪೋಟರ್ ನಟನ ಕುತ್ತಿಗೆ ಮುರಿತ

ಲಂಡನ್: ಕಾರು ಅಪಘಾತದಲ್ಲಿ ಹ್ಯಾರಿ ಪೋಟರ್ ಚಿತ್ರದ ನಟ ಜಿಮ್ ತವರೆ ಅವರ ಕುತ್ತಿಗೆ ಮುರಿದಿದೆ. 

ಹ್ಯಾರಿ ಪೋಟರ್ ಚಿತ್ರದಲ್ಲಿ ಜಿಮ್ ಟಾಮ್ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. ಕಾರು ಅಪಘಾತದಲ್ಲಿ ಜಿಮ್ ಅವರ 15 ಪಕ್ಕೆಲುಬುಗಳು ಮತ್ತು ಬಲಗಾಲು ಸಹ ಮುರಿದಿದೆ. 

ಈ ಅಪಘಾತ ಕುರಿತಂತೆ ಜಿಮ್ ಪತ್ನಿ ಫೇಸ್ ಬುಕ್ ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಎಲ್ಲಿ ಕಾರು ಅಪಘಾತಗೊಂಡಿದೆ ಎಂಬುದರ ಮಾಹಿತಿ ಲಭ್ಯವಾಗಿಲ್ಲ. ತೀವ್ರತರವಾಗಿ ಗಾಯಗೊಂಡಿರುವ ಜಿಮ್ ಅವರಿಗೆ ಸದ್ಯ ತುರ್ತು ಚಿಕಿತ್ಸಾ ಘಟಕದಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.