ಚೆನ್ನೈ: ಬೆಳ್ಳಿತೆರೆಯ ಮೇಲೆ ಹೊಸತಿಗಾಗಿ ಸದಾ ಮಿಡಿಯುವ ಮನಸ್ಸು ಕಮಲ್ ಹಾಸನ್. ದಕ್ಷಿಣ ಭಾರತದ ಭಾಷೆಗಳಲ್ಲೇ ಅಲ್ಲದೆ ಬಾಲಿವುಡ್ ಚಿತ್ರರಂಗದಲ್ಲಿಯೂ ಮನೆಮಾತಾಗಿರುವ ಈ ನಟ ಹೊಸ ತಂತ್ರಜ್ಞಾವನ್ನು ಕೂಡಲೇ ಅಳವಡಿಸಿಕೊಳ್ಳುವಲ್ಲಿ ನಿಪುಣರು. ನೃತ್ಯ ನಿರ್ದೇಶನ, ನಟನೆ, ನಿರ್ದೇಶನ, ಚಿತ್ರಕಥೆ ರಚನೆ ಮತ್ತು ನಿರ್ಮಾಣ, ಹೀಗೆ ಎಲ್ಲ ವಿಭಾಗದಲ್ಲಿಯೂ ತಮ್ಮ ಪ್ರತಿಭೆಯನ್ನು ಮೆರೆದಿರುವ ನಟ ಈಗ ಜನಪ್ರಿಯ ಟಿವಿ ರಿಯಾಲಿಟಿ ಕಾರ್ಯಕ್ರಮ ಬಿಗ್ ಬಾಸ್ ನ ತಮಿಳು ಅವತರಿಣಿಕೆಯ ನಿರ್ವಾಹಕನಾಗಿ ಕಾಣಿಸಿಕೊಳ್ಳಲಿದ್ದಾರೆ. ಜೂನ್ ೨೫ ರಿಂದ ಪ್ರಾರಂಭವಾಗುವ ಈ ಕಾರ್ಯಕ್ರಮದಲ್ಲಿ ೧೪ ತಾರೆಯರು ಭಾಗವಹಿಸಿ, ಬಹುಮಾನಕ್ಕೆ ಸೆಣಸಲಿದ್ದಾರೆ.
