ನವದೆಹಲಿ: 2015 ರಲ್ಲಿ ಶಮಿತಾಬ್ ಸಿನಿಮಾ ಮೂಲಕ ಬಾಲಿವುಡ್ ಮೂಲಕ ಪಾದಾರ್ಪಣೆ ಮಾಡಿದ್ದ ನಟಿ ಅಕ್ಷರಾ ಹಾಸನ್ ಅವರ ಖಾಸಗಿ ಫೋಟೋಗಳು ಲೀಕ್ ಆಗಿ ಸಾಮಾಜಿಕ ಮಾಧ್ಯಮಗಳಲ್ಲಿ ಇತ್ತಿಚೆಗೆ ವೈರಲ್ ಆಗಿತ್ತು.
ಟೂ ಪೀಸ್ ನಲ್ಲಿದ್ದ ನಟಿಯ ಖಾಸಗಿ ಫೋಟೋಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡಿದ್ದವು, ಹೀಗಾಗಿ ಭಾನುವಾರ ನಟಿ ಅಕ್ಷರಾ ಹಾಸನ್ ಅಪರಿಚಿತರ ವಿರುದ್ಧ ದೂರು ದಾಖಲಿಸಿದ್ದಾರೆ.
ಅಕ್ಷರಾ ದೂರಿನ ಆಧಾರದ ಮೇಲೆ ವಿಶೇಷ ತಂಡ ರಚಿಸಿರುವ ಪೊಲೀಸರು ಆರೋಪಿಯನ್ನು ಪತ್ತೆ ಹಚ್ಚಲು ಕ್ರಮ ಕೈಗೊಂಡಿದ್ದಾರೆ. ಈ ಘಟನೆ ನಡೆದಿರುವುದು ದುರಾದೃಷ್ಟಕರ ಎಂದು ಅಕ್ಷರಾ ಟ್ವೀಟ್ ಮಾಡಿದ್ದಾರೆ,. ನಾನು ಇದರಿಂದ ತುಂಬಾ ವಿಚಲಿತಳಾಗಿದ್ದೇನೆ, ನನಗೆ ತುಂಬಾ ನೋವಾಗಿದೆ ಎಂದು ಹೇಳಿದ್ದಾರೆ.
ಅವು ತಿರುಚಿದ ಫೋಟೋಗಳಲ್ಲ, ಆ ಫೋಟೋಗಳು ನನ್ನವೇ ಏಕೆ ಹೀಗೆ ಮಾಡಿದರೋ. ಯಾರು ಮಾಡಿದರೋ ಎಂಬುದು ನನಗೆ ತಿಳಿಯಬೇಕು ಎಂದು ಟ್ವೀಟ್ ಮಾಡಿದ್ದಾರೆ. ಜೊತೆಗೆ ಮುಂಬಯಿ ಪೊಲೀಸರಿಗೆ ಹಾಗೂ ಸೈಬರ್ ವಿಭಾಗದಲ್ಲೂ ದೂರು ದಾಖಲಿಸಿರುವುದಾಗಿ ಬರೆದುಕೊಂಡಿದ್ದಾರೆ
