ಬೆಂಗಳೂರು: ‘ಮುಂಗಾರು ಮಳೆ’, ‘ಚೆಲ್ಲಾಟ’, ‘ಚೆಲುವಿನ ಚಿತ್ತಾರ’ ಸೇರಿದಂತೆ ಹಲವು ಹಿಟ್ ಚಿತ್ರಗಳನ್ನು ನೀಡಿ, ಪ್ರೇಕ್ಷಕರ ಮನಗೆದ್ದಿರುವ ಗೋಲ್ಡನ್ ಸ್ಟಾರ್ ಗಣೇಶ್, ತಮ್ಮ ಪುತ್ರ ವಿಹಾನ್ ನನ್ನು ಚಿತ್ರರಂಗಕ್ಕೆ ಪರಿಚಯಿಸುವ ಸಂಭ್ರಮದಲ್ಲಿದ್ದಾರೆ.
‘ಚಮಕ್’ ಚಿತ್ರದ ಮೂಲಕ ಈಗಾಗಲೇ ಪುತ್ರಿ ಚಾರಿತ್ರ್ಯಾಳನ್ನು ಚಿತ್ರರಂಗಕ್ಕೆ ಪರಿಚಯಿಸಿರುವ ಗಣೇಶ್, ಇದೀಗ ‘ಗೀತಾ’ ಚಿತ್ರದ ಮೂಲಕ ಮಗನನ್ನು ಕರೆತರುತ್ತಿದ್ದಾರೆ.
ವಿಜಯ್ ನಾಗೇಂದ್ರ ನಿರ್ದೇಶನದ ‘ಗೀತಾ’ ಚಿತ್ರದಲ್ಲಿ ಗಣೇಶ್ ಗೆ ನಾಯಕಿಯಾಗಿ ಮಲಯಾಳಂ ನಟಿ ಪಾರ್ವತಿ ಅರುಣ್ ನಟಿಸಲಿದ್ದಾರೆ. ಇದೇ ಚಿತ್ರದಲ್ಲಿ ವಿಹಾನ್ ಗೆಸ್ಟ್ ರೋಲ್ ನಲ್ಲಿ ಮಿಂಚಲಿದ್ದಾರಂತೆ. ಕ್ಯಾಮರಾಗೆ ಮಗ ಪೋಸ್ ನೀಡಿರುವ ಚಿತ್ರಗಳನ್ನು ಸಾಮಾಜಿಕ ಜಾಲತಾಣ ಟ್ವಿಟರ್ ನಲ್ಲಿ ಗಣೇಶ್ ಶೇರ್ ಮಾಡಿದ್ದಾರೆ.
ಖಾಸಗಿ ಚಾನಲ್ ಗಳಲ್ಲಿ ನಿರೂಪಕರಾಗಿ, ನಂತರ ಚಂದನವನದ ಚಮಕ್ ನಾಯಕನಾಗಿ ಪ್ರೇಕ್ಷಕರನ್ನು ರಂಜಿಸುತ್ತಿರುವ ಗಣೇಶ್, ತಮ್ಮ ಮಕ್ಕಳಿಗೆ ಚಿಕ್ಕ ವಯಸ್ಸಿನಲ್ಲೇ ಬಣ್ಣ ಹಚ್ಚಿ ಆನಂದಿಸುತ್ತಿದ್ದಾರೆ.
