ಇನ್ನು ಪ್ರೀತಮ್ ತಮ್ಮ ಚಿತ್ರದಲ್ಲಿ 1999ನೇ ವರ್ಷದ ಕಥೆಯನ್ನು ಝೇಳಹೊರಟಿದ್ದು ಇದಕ್ಕಾಗಿ ಹೇಮಂತ್ ಹಾಗೂ ಸಮೀಕ್ಷಾ ಯುವ ನಾಯಕ, ನಾಯಕಿಯರಾಗಿ ತೆರೆಯಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.ಮಲೆನಾಡಿನ ದಟ್ಟ ಕಾನನದ ನಡುವಿನ ತೀರ್ಥಹಳ್ಳಿಯಲ್ಲಿ ಹೇಮಂತ್ ಹಾಗೂ ಸಮೀಕ್ಷಾ ನಟಿಸಿರುವ ಕಥಾಭಾಗವನ್ನು ಚಿತ್ರೀಕರಿಸಲಾಗಿದ್ದು ಇವರಿಬ್ಬರೂ "99" ಚಿತ್ರದ ಜೀವಾಳವಾಗಿದ್ದಾರೆ ಎಂದು ನಿರ್ದೇಶಕ ಪ್ರೀತಮ್ ಹೇಳುತ್ತಾರೆ. ಇಬ್ಬರೂ ಪ್ರತಿಭಾವಂತರಾಗಿದ್ದಾರೆ. ಸಮೀಕ್ಷಾ ಮೂಲತಃ ಶಿವಮೊಗ್ಗದವರೇ ಆಗಿದ್ದು ಕೆಲ ಟಿವಿ ಕಾರ್ಯಕ್ರಮದಲ್ಲಿ ಕಾಣಿಸಿಕೊಂಡಿದ್ದರು. ಇನ್ನು ಹೇಮಂತ್ ಸಹ ಉತ್ತಮ ಕಲಾವಿದ, ಇವರಿಬ್ಬರೂ ಬಹಳಷ್ಟು ಜನಪ್ರಿಯ ನಟರಲ್ಲದ ಕಾರಣ ಚಿತ್ರದ ಕಥೆಗೆ ಹೊಸ ತಾಜಾತನವನ್ನು ನೀಡಲು ಸಹಾಯವಾಗಲಿದೆ ಎನ್ನುವುದು ನಿರ್ದೇಶಕರ ಆಂಬೋಣ.