ಸ್ಯಾಂಡಲ್ವುಡ್ ಸ್ವೀಟಿ ರಾಧಿಕಾ ಕುಮಾರಸ್ವಾಮಿ ಅಭಿನಯದ, ನವರಸನ್ ನಿರ್ದೇಶನದ ಬಹುಕೋಟಿ ವೆಚ್ಚದ 'ದಮಯಂತಿ' ಚಿತ್ರದ ಟಾಕಿ ಪೋರ್ಷನ್ ಶೂಟಿಂಗ್ ಕಂಪ್ಲೀಟಾಗಿದೆ.
ಒಂದು ಹಾಡಿನ ಶೂಟಿಂಗ್ ಬಾಕಿಯಿದ್ದು ಈ ತಿಂಗಳಿನಲ್ಲಿ ಪೂರ್ಣಗೊಳ್ಳಲಿದೆ ಎಂದು ಹೇಳಲಾಗಿದೆ, .
'ಭೈರಾದೇವಿ' ಶೂಟಿಂಗ್ ವೇಳೆ ಗಾಯಗೊಂಡಿದ್ದ ರಾಧಿಕಾ ಚೇತರಿಸಿಕೊಂಡು ಮಾರ್ಚ್ 5 ರಿಂದ 'ದಮಯಂತಿ' ಶೂಟಿಂಗ್ಗೆ ಹಾಜರಾಗಿದ್ದರು. ನಿನ್ನೆ ಕಂಠೀರವ ಸ್ಟೂಡಿಯೋದಲ್ಲಿ ರಾಧಿಕಾ ದಮಯಂತಿ ಧರ್ಮಾಸ್ಪತ್ರೆ ಉದ್ಘಾಟನೆ ಮಾಡುವ ಸನ್ನಿವೇಶ ಸೆರೆ ಹಿಡಿಯವ ಮೂಲಕ ಚಿತ್ರೀಕರಣ ಮುಕ್ತಾಯಗೊಂಡಿತು.
ದಮಯಂತಿ ಚಿತ್ರ 80ರ ದಶಕದ ಕಥೆಯಾಗಿದ್ದು, ಇದರಲ್ಲಿ ರಾಧಿಕಾ, ಡಬಲ್ ಶೇಡ್ನಲ್ಲಿ ಕಾಣಿಸಿಕೊಂಡಿದ್ದಾರೆ.
ಚಿತ್ರದಲ್ಲಿ ಭಜರಂಗಿ ಲೋಕಿ ನೆಗೆಟಿವ್ ಶೇಡ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಮಿಸ್ಟರ್ ಮೊಮ್ಮಗ ಚಿತ್ರದ ನಾಯಕ ರವಿ ಈ ಚಿತ್ರದಲ್ಲಿ ರಾಧಿಕಾ ಕುಮಾರಸ್ವಾಮಿ ಗಂಡನ ಪಾತ್ರದಲ್ಲಿ, ತಂದೆಯ ಪಾತ್ರದಲ್ಲಿ ಸೂಪರ್ ಸ್ಟಾರ್ ರಜನಿಕಾಂತ್ ಅವರ ಆಪ್ತಮಿತ್ರ ರಾಜ್ ಬಹದ್ದೂರ್ ನಟಿಸಿದ್ದಾರೆ.
