ಬಿಗ್ ಬಾಸ್ ಕನ್ನಡ ಆವೃತ್ತಿ 7: ಯಾರು ನಿಮಗೆ ಹೇಳಿದ್ದು? ನಟಿ ಪಾರುಲ್ ಯಾದವ್ ಗರಂ

ಬಿಗ್ ಬಾಸ್ ಕನ್ನಡ ಆವೃತ್ತಿ 7 ಆರಂಭಗೊಳ್ಳುವ ಹಂತದಲ್ಲಿದೆ. ಈ ಮಧ್ಯೆ ಬಿಗ್ ಬಾಸ್ ಮನೆಯಲ್ಲಿ ಯಾರ್ಯಾರು ಕಾಣಿಸಿಕೊಳ್ಳಲಿದ್ದಾರೆ ಎಂಬ ವರದಿಗಳು ಬಿತ್ತರಗೊಳ್ಳುತ್ತಿವೆ. ಈ ಮಧ್ಯೆ ನಟಿ ಪಾರುಲ್ ಯಾದವ್ ಗರಂ ಆಗಿದ್ದಾರೆ.

ನಟಿ ಪಾರುಲ್ ಯಾದವ್ ಬಿಗ್ ಬಾಸ್ ಕನ್ನಡ 7 ಆವೃತ್ತಿಗೆ ಹೋಗುತ್ತಾರೆ ಎಂಬ ಸುದ್ದಿಗಳು ಹಲವು ದಿನಗಳಿಂದ ಕೆಲ ಮಾಧ್ಯಮಗಳಲ್ಲಿ ಹಾಗೂ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು ಇದಕ್ಕೆ ನಟಿ ಟ್ವೀಟರ್ ನಲ್ಲಿ ಸ್ಪಷ್ಟನೆ ನೀಡಿದ್ದಾರೆ.

ಪಾರುಲ್ ಯಾದವ್, ಟ್ವೀಟರ್ ನಲ್ಲಿ ನಾನು ಬಿಗ್ ಬಾಸ್ ಹೋಗುತ್ತಿದ್ದೇನೆ ಎಂದು ಸುಳ್ಳು ಸುದ್ದಿ ಹಬ್ಬಿಸುವುದು ಜೋಕ್ ಅಲ್ಲ. ನನಗೆ ಬಿಗ್ ಬಾಸ್ ಶೋ ಬಗ್ಗೆ ಬಹಳ ಗೌರವವಿದೆ. ಸದ್ಯ ನನಗೆ ಬಿಗ್ ಬಾಸ್ ಶೋನಲ್ಲಿ ಕಾಣಿಸಿಕೊಳ್ಳುವ ಇಂಗಿತವಿಲ್ಲ. ಮಾಧ್ಯಮಗಳು ಸುದ್ದಿ ಮಾಡುವ ಮುಂಚೆ ಒಮ್ಮೆ ಗಮನಹರಿಸಿ ಎಂದು ಟ್ವೀಟಿಸಿದ್ದಾರೆ.