ಬ್ಯಾಟ್ ಮ್ಯಾನ್ ಗೂ ತಟ್ಟಿತು ಕೊರೋನಾ ವೈರಸ್ ಬಿಸಿ! 

ಲಂಡನ್: ಕೊರೋನಾ ವೈರಸ್ ವಿದೇಶಿ ರಾಜಕಾರಣಿಗಳು, ಪ್ರಧಾನಿಗಳು ಅವರ ಕುಟುಂಬ ಸದಸ್ಯರನ್ನೂ ವ್ಯಾಪಿಸಿದ್ದು, ಈಗ ಬ್ಯಾಟ್ ಮ್ಯಾನ್ ಗೂ ವೈರಾಣುವಿನ ಬಿಸಿ ತಟ್ಟಿದೆ. 

ದಿ ಬ್ಯಾಟ್ ಮ್ಯಾನ್ ಸಿನಿಮಾ ಚಿತ್ರೀಕರಣವನ್ನು ಕೊರೋನಾ ವೈರಸ್ ಹಿನ್ನೆಲೆಯಲ್ಲಿ ಎರಡುವಾರಗಳ ಕಾಲ ಸ್ಥಗಿತಗೊಳಿಸಲಾಗಿದೆ. 

ಹಾಲಿವುಡ್ ನಟ ಟಾಮ್ ಹ್ಯಾಂಕ್ಸ್ ಮತ್ತು ಆತನ ಪತ್ನಿ ರೀಟಾ ವಿಲ್ಸನ್ ಗೆ ಕೊರೋನಾ ವೈರಾಣು ಸೋಂಕು ತಗುಲಿದೆ ಎಂಬ ಮಾಹಿತಿ ಬಹಿರಂಗವಾಗುತ್ತಿದ್ದಂತೆಯೇ ಬ್ಯಾಟ್ ಮ್ಯಾನ್ ಸಿನಿಮಾ ಚಿತ್ರೀಕರಣವನ್ನು ಹಾಲಿವುಡ್ 2 ವಾರಗಳ ಕಾಲ ಸ್ಥಗಿತಗೊಳಿಸಿದೆ. 

ಜನವರಿಯಿಂದ ಲಂಡನ್ ನಲ್ಲಿ ಚಿತ್ರೀಕರಣ ನಡೆಯುತ್ತಿದ್ದು, ಈಗ ಲಿವರ್ಪೂಲ್ ಗೆ ಚಿತ್ರೀಕರಣವನ್ನು ಸ್ಥಾಳಂತರಿಸಬೇಕೆಂಬ ನಿರ್ಧಾರ ಮಾಡಲಾಗಿತ್ತು. ಆದರೆ ಕೊರೋನಾ ವೈರಸ್ ನ ಪರಿಣಾಮ ಈಗ ಚಿತ್ರೀಕರಣ ಸ್ಥಗಿತಗೊಂಡಿದೆ.

ಎಲ್ಲವೂ ಅಂದುಕೊಂಡಂತೆಯೇ ಆಗಿದ್ದರೆ 2021 ರ ಜೂನ್ ವೇಳೆಗೆ ಬ್ಯಾಟ್ ಮ್ಯಾನ್ ಚಿತ್ರ ಬಿಡುಗಡೆಯಾಗಬೇಕಿತ್ತು. ಆದರೆ ಈಗ ಈ ಬೆಳವಣಿಗೆಯಿಂದ ಚಿತ್ರ ಬಿಡುಗಡೆ ದಿನಾಂಕವೂ ವ್ಯತ್ಯಯವಾಗಲಿದೆ.